Lajme

Hovenier: Rastin e Klan Kosovës nuk e shohim vetëm si çështje të regjistrimit të biznesit, por si çështje të lirisë së medias

Autori: Gazeta inFokus 17:15 | 01 August 2023

Ambasadori i ShBA-së në Kosovë, Jeffrey Hovenier, ka thënë se nuk është fshehtësi që Amerika dhe partnerët ndërkombëtarë janë të brengosur thellë me vendimin për tërheqjen e certifikatës së biznesit të Klan Kosovës.

“Kemi lëshuar qëndrim bashkë me ambasadat e vendeve të QUINT-it, disa orë pas vendimit për tërheqje të licencës së biznesit. Ne nuk e shohim këtë çështje vetëm si regjistrim të biznesit, por si çështje të lirisë së medias dhe si të tillë e adresojmë”, është shprehur Hovenier.

“Kemi mësuar nga pronarët e Klan Kosova se kanë dorëzuar dokumentet e reja të regjistrimit. Kurdo që një qeveri merr vendim që mund të ketë ndikim në mediat e pavarura, organizatat e transmetimit, është diçka që duhet pasur kujdes të madh të rishikimit, deri te rezultati në fund, sepse liria e medias është aq e rëndësishme”.

-Advertisement-

“Kjo është pikëpamja jonë. Kërkojmë që qeveria ta zgjidhë këtë çështje në mënyrë transparente, të drejtë dhe të shpejtë”, ka shtuar Hovenier ndër të tjera.

Ai pas pjesëmarrjes në ngjarjen ku u dorëzuan 250 kamera të trupit për Policinë e Kosovës, u është përgjigjur edhe komenteve të tjera të bërë nga eksponentë të Lëvizjes Vetëvendosje për takimet e tij me pronarët e Klan Kosovës.

“Kam parë këto komente dhe jam befasuar ngase nuk mendoj që këto komente janë të bazuara në realitet. Jam takuar me drejtues biznesesh dhe takimet e mia nuk kanë lidhje me vendimet që marrin zyrtarët qeveritarë. Mohoj se ShBA po provon të ndikojë në vendimet e gjykatave. ShBA bashkë me partnerët qëndrojnë për lirinë e mediave”.

Subscribe në YouTube: GAZETA INFOKUSI
Bileta të lira nga Prishtina drejt Stockholm me PrishtinaTicket!
-Advertisement-

Të tjera

Fokusi

lajme