Lajme

Hovenier: Procesi i zgjedhjes së Kryeprokurorit dëmtoi besimin tonë në KPK

Autori: Gazeta inFokus 15:43 | 07 April 2022

Ambasadori amerikan në Kosovë, Jeffrey Hovenier, ka reaguar pas votimit të Blerim Isufajt për Kryeprokuror të Shtetit duke thënë se mënyra se si KPK-ja e zhvilloi këtë proces e ka dëmtuar besimin e tyre dhe të kosovarëve në këtë institucion.

“Jemi të shqetësuar se mënyra se si KPK-ja i ka zhvilluar këto procedura e ka dëmtuar besimin tonë dhe të qytetarëve të Kosovës në këtë institucion publik”, thuhet në reagimin e tij të gjatë në Twitter, njofton Klankosova.tv.

Ai tha se ShBA-të kanë pritur që procesi i zgjedhjes së Kryeprokurorit të Shtetit të jetë i drejtë, objektiv, transparent dhe në bazë meritore.

-Advertisement-

“Në disa raste, ShBA-ja ka shprehur pritshmëri për procesin e përzgjedhjes së Kryeprokurorit të ardhshëm të Shtetit, të cilat ne besojmë se i kanë edhe qytetarët kosovarë, që ai të jetë i drejtë, objektiv, transparent dhe i bazuar në merita”.

“Fakti që anëtarët e KPK-së nuk i kanë marrë parasysh ankesat legjitime dhe rekomandimet e panelit shqyrtues bie ndesh me këtë standard. ShBA-ja nuk kishte një kandidat të preferuar dhe nuk i kemi gjykuar kualifikimet e kandidatëve”.

Hovenier ka deklaruar se përfaqësuesit ndërkombëtarë, përfshirë edhe ata të ambasadës amerikane, kanë marrë pjesë në këtë proces, por nuk kanë ndërhyrë në asnjë në mënyrë në të.

“Përfaqësues ndërkombëtarë, përfshirë anëtarë të ambasadës së ShBA-së, janë ftuar që të marrin pjesë në procedurat e KPK-së, më 6 prill, për të zgjedhur Kryeprokurorin e ardhshëm të Shtetit. Prania jonë si vëzhgues nuk duhet të konsiderohet si miratim i procesit apo procedurave”.

Edhe ambasadori i Gjermanisë në Kosovë, Jorn Rohde, ka reaguar sot në lidhje me procesin e zgjedhjes së Kryeprokurorit të ri të Shtetit.

Këshilli Prokurorial i Kosovës, gjatë të mërkurës, ka propozuar Blerim Isufajn për Kryeprokuror të Shtetit. Emri i këtij të fundit ka shkuar te presidentja Vjosa Osmani e cila pritet ta dekretojë ose jo.

Subscribe në YouTube: GAZETA INFOKUSI
Etiketa:
Prince Coffee shkon edhe në Ferizaj – ambient i ngrohtë e risi në menu (VIDEO)
-Advertisement-

Të tjera

Fokusi

lajme