Hoti: Do t’i konfiskojmë pasuritë e paligjshme dhe do t’ia kthejmë popullit
Autori: Gazeta inFokus 14:34 | 03 June 2017
Kandidati për kryeministër nga LDK-AKR-Alternativa, Avdullah Hoti, ka thënë të shtunën në Mitrovicë se tubimet madhështore të koalicionit të djathtë në gjithë Kosovën, po ju ngjajnë tubimeve të fitores nga koha e Presidentit Rugova.
“Tubime të tilla ka pasur vetëm në kohën e Rugovës. Këto zgjedhje janë referendum për të ardhmen e Kosovës. Lista jonë është më e mira, me 30 doktorë shkencash, me njerëz të mrekullueshëm dhe unë jam i nderuar që i prij kësaj liste”, ka thënë Hoti.
Hoti ka thënë se do ta pavarësojmë sistemin e drejtësisë, do ta nxjerrim ligjin për konfiskimin e pasurive të paligjshme dhe ajo do t’u kthehet qytetarëve.
Ai ka shtuar se ky është koalicioni i vetëm që do ta sigurojë integrimin e Kosovës në BE dhe NATO, koalicioni i vetëm që mund ta ruajë miqësinë e përhershme me SHBA-të, siç e ka thënë gjithmonë Presidenti Rugova.
“Programi ynë është i jashtëzakonshëm dhe i siguron Kosovës 3 miliardë euro buxhet gjatë mandatit tonë, rritje ekonomike dyfish më të madhe, pagë minimale dinjitoze, pensione dinjitoze, arsim cilësor dhe shëndetësi cilësore. Do të ketë mbështetje të madhe për bujqit, fermerët dhe të gjithë ata që kanë ide biznesi”, ka thënë Hoti.
Ai ka shtuar se do të punojmë shumë që tavolinat tona të kemi më shumë prodhime vendore. “Ne garantojmë 12 muaj pushim për lehonat, për gratë e papuna 50 për qind e pagës minimale për t’i rritur fëmijët”, ka thënë ai.
“Do t’u japim momentum të ri bisedimeve me Serbinë. Do të punojmë shumë me pakicat, në veçanti me serbët. Do të punojmë në thellimin e marrëdhënieve vëllazërore me Shqipërinë, në përmirësimin e marrëdhënieve fqinjësore me të gjithë, por asnjëherë nuk do të hezitojmë në zbatimin e reciprocitetit me të gjithë, në veçanti me Serbinë”, ka shtuar Hoti.
Kryeministri dhe kryetari i LDK-së, Isa Mustafa, ka thënë se kandidati për kryeministër Avdullah Hoti është një evropian i vërtetë.
“E keni pa që ata që nuk e kanë asnjë argument kundër kryeministrit tonë, sepse nuk mund të thonë që nuk është i shkolluar, nuk është i aftë, nuk është familjar, nuk është besnik, nuk është i vyeshëm dhe i vendosur. Prandaj flasin për karizëm. Po, karizëm nuk është të marrësh poza në foltore. Karizma do të thotë të ushtrosh ndikim dhe ndikimi nuk ushtrohet ndryshe, përveç me dije. Ndikimi jonë do të shtrohet përmes kryeministrit Hoti dhe vlerave të tij, që janë profesionale dhe shkencore”, ka thënë Mustafa.
Kryetari i Mitrovicës Agim Bahtiri ka thënë se po e ndjen aromën e fitores. “Kjo aromë është në Mitrovicë dhe ky mesazh nga këtu do të përhapet në tërë Kosovën. Jemi bashkuar për të bërë ndryshimin e madh, sepse kjo gjendje e Kosovës nuk e bën të ndihet mirë asnjë shqiptar. O sot o kurrë, duhet ta luftojmë të keqen. Koalicioni ynë është i shpresës, i paqes, i dijes, i punës. SHBA dhe BE me padurim po presim të fitojë ky koalicion dhe t’i themi poshtë korrupsionit, poshtë zhvatjes, poshtë shantazhimeve”, ka thënë Bahtiri.
Presidenti i AKR-së, Behgjet Pacolli ka thënë se kemi një program që krijon jetë më të mirë për fëmijët, qytetarët, vendin në përgjithësi.
“Deklaroj publikisht se me të gjitha limitet e mia do ta mbështes profesor Hotin, i bindur se do të jetë Qeveria më e mirë që e ka pasur Kosova. Ndihem shumë mirë në këtë koalicion dhe këtu kam takuar njerëz të ditur, të sinqertë, me traditë në krijim të shtetit. Nuk kemi kohë të bëjmë eksperimente, sepse jemi shumë vonë. Jemi në prag të kthesës së madhe që do ta bëjmë”, ka thënë Pacolli.
Kryetarja e Alternativës, Mimoza Kusari Lila ka thënë se Mitrovica është vendi që e pagoi më së shtrenjti lirinë e Kosovës, sepse Mitrovicës i është këputur njëri krah.
“Mitrovica dëshmon se forca nuk është zgjidhja, por forca është problemi. Sot në Kosovë janë dy oferta politike. Njëra që proklamon forcë dhe është dëshmuar se forca nuk ofron zgjidhje, sepse forcës i ka kaluar koha. Të mençurit nuk ofrojnë tregim të muskujve dhe as proklamojnë se do të vdesin. Ne nuk kemi nevojë për vdekje, kemi nevojë për jetë”, ka thënë Kusari Lila.
Ilir Deda, nga Alternativa ka thënë se Mitrovica e di më së miri çfarë do të thotë të jetë e nëpërkëmbur, sepse e ka përjetuar nga ata që janë bërë bashkë në anën tjetër.
Sylejman Qerkezi nga Lëvizja për drejtësi ka thënë se banorët shqiptarë të Mitrovicës në veri janë heronj të gjallë. “Përveç atyre që i tha kryeministri Mustafa për profesor Hotin, unë kam vërejtur diçka të veçantë tek ai. Mëshira dhe ndjenja shpirtërore e tij janë diçka e veçantë në karakterin e tij. Një pushtet që nuk ka rahmet, nuk ka mundësi të ketë bereqet”, ka thënë Qerkezi./Infokusi.com
Të tjera
-
Nesër në Bruksel vazhdon dialogu Kosovë-Serbi për vendimin e BQK-së për dinarin
Nesër në Bruksel në kuadër të dialogut ndërmjet Kosovës dhe Serbisë do të vaz...
-
Osmani përkujton Ismet Rracin: Drejtësia të mbetet domosdoshmëri
Presidentja e Kosovës, Vjosa Osmani përkujtoi Ismet Rracin në 23 vjetorin e v...
-
Dëshmitari Qeriqi pyetet për takimet me ish-krerët e UÇK-së si dhe për funksionet e tyre
Në Dhomat e Specializuara të Kosovës (DhSK) në Hagë po vazhdon dëshminë dëshm...
-
Von der Leyen: Rusia nuk është kërcënim vetëm për Ukrainën, por edhe për Evropën
Rusia është një kërcënim ekzistencial jo vetëm për Ukrainën, por edhe për Evr...
-
Gjykata e Beogradit dënon me 56 vjet burgim 7 serbë për krime lufte në Kosovë
Ish-pjesëtari i Ushtrisë Jugosllave Toplica Miladinoviq u dënua para departa...
-
Shumica e vendeve të BE-së pro heqjes së masave ndaj Kosovës
Bashkimi Evropian i është afruar heqjes së masave kufizuese ndaj Kosovës, të ...
-
Anulohet kufizimi i punës së barnatoreve në kryeqytet
Kuvendi Komunal i Prishtinës ka marrë vendim për anulimin e një kufizimi për ...
-
Deliu Kodra: Raporti i DASH-it shpërfaq paaftësinë e Qeverisë Kurti
Partia Demokratike e Kosovës ka vlerësuar se raporti i fundit i Departamentit...
-
RrGK e shqetësuar me “dënimin e ulët” për të akuzuarit në rastin e dhuñimit të 11-vjeçares
Rrjeti i Grave të Kosovës ka shprehur shqetësim të madh në lidhje me dënimin ...
-
Sülmohet me tullë në kokë dhe i grabitet zinxhiri nga qafa
Një person në Mitrovicë të Veriut ka informuar policinë se pak minuta pas mes...
-
Ambasadori i Francës, Olivier Guerot, viziton Devolli Corporation
Ambasadori i Francës, Olivier Guerot, është përfaqësuesi i radhës i korit dip...
-
Lirohet nga akuza për korrupsion zyrtari i prokurimit në Komunën e Obiliqit
Gjykata Themelore në Prishtinë ka shpallur aktgjykim lirues ndaj Sherif Hotin...