Lajme

Hoti për projektligjin që i hap rrugë pagës minimale: Ndër ligjet më absurde që është shkruar deri më tani

Autori: Gazeta inFokus 12:22 | 13 May 2022

Kuvendi i Kosovës është duke vazhduar seancën planare me pikat e mbetura nga seanca e 5 majit.

Në këtë seancë është duke i diskutuar lidhur me projektligjin që i hapë rrugë rritjes së pagës minimale.

Deputeti i Lidhjes Demokratike e Kosovës, Avdullah Hoti, ka kritikuar projektligjin e sjellë nga ministri i Financave, Hekuran Murati.

-Advertisement-

Ai tha se ligji i sjellë në Kuvend është ligji më absurd që është shkruar deri më tani.

“Ky është ndër ligjet më absurde që është shkruar deri më tani. Mënyra si e keni shkruar këtë ligj e targetoni vetëm një pjesë të sektorit privat pra nuk arrihet qëllimi i këtij ligji për barazi sociale. Ne nuk mund të themi se i kemi konsumu diskutimet dhe po lëvizim përpara pa këshillin ekonomik-social, qeveria s’mund të lëvizë pa një konsultim me komunitetin e biznesit. Këta janë partnerët socialë që qeveria domosdo duhet të komunikojë dhe t’i bëjë pjesë e vendimmarrjes. Në sistem demokratik kërkohet arritja e dakordimit dhe jo betonim në pozicione të caktuara”, ka thënë Hoti.

Edhe Partia Demokratike e Kosovës dhe Aleanca për Ardhmërinë e Kosovës nuk po pe përkrahin këtë projektligj./Gazeta Infokus/

Subscribe në YouTube: GAZETA INFOKUSI

Të tjera

Fokusi

lajme