Lajme

Hoti: Pagat në sistemin e drejtësisë nuk duhet prekur, vendimi i sotëm i Qeverisë është joligjor

Autori: Gazeta inFokus 14:59 | 23 Nëntor 2022

Ish-kryeministri i Kosovës, Avdullah Hoti, ka thënë se vendimi i sotëm i Qeverisë për uljen e pagave të gjyqtarëve dhe prokurorëve është joligjor.

Hoti ka thënë se në një kohë të tillë të krizës ekonomike, me inflacionin më të lartë në 30 vite, pagat duhet rritur, e assesi të ulen.

“Në kohë krize, me inflacionin më të lartë në 30 vite, pagat duhet të rriten e jo të ulen.
Pagat në sistemin e drejtësisë nuk duhet të preken. Vendimi i sotëm i Qeverisë është joligjor.

-Advertisement-

Kjo çështje është shqyrtuar në shkurt 2020 kur është marrë vendimi për uljen e pagave vetëm për kabinetin qeveritar nga koalicioni i atëhershëm VV-LDK, e jo edhe për sistemin e drejtësisë. Këta që sot e kanë marrë këtë vendim, e dinë mirë se vendimi është joligjor.

Deri në miratimin e ligjit të pagave, duhet të rriten pagat së paku sa norma e inflacionit për arsim, shëndetësi, administratë, polici e FSK dhe sektorë të tjerë që janë me paga të ulëta”, ka shkruar Hoti.

Qeveria e Kosovës ka miratuar sot Projektligjin për paga në sektorin publik.

Me këtë projektligj Qeveria e Kosovës ka vendosur t’i kthejë pagat e gjyqtarëve dhe prokurorëve, sikur para rritjes që ishte bërë me vendim të Qeverisë Haradinaj në vitin 2017.

Kryeministri Kurti, ka thënë se me këtë pagat e gjyqtarëve dhe prokurorëve kthehen në lartësinë e rregullimit juridik të mëparshëm.

Njohës të zhvillimeve juridike, kanë thënë se ky vendim është skandaloz dhe shkatërron sistemin e drejtësisë si dhe legalizon korrupsionin.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy