Lajme

Hoti nga Lipjani: Punuam shumë për t’u krijuar kushtet që nxënësit të mos mbesin prapa e të fillojë mësimi

Autori: Gazeta inFokus 11:27 | 14 September 2020

Kryeministri i vendit, Avdullah Hoti ka vizituar sot komunën e Lipjanit.

Bashkë me kryetarin e Lipjanit, Imri Ahmeti dhe ministrin e Arsimit dhe Shkencës, Ramë Likaj morën pjesë në përurimin e shkollës së re ‘Haradin Bajrami ‘në Magure.

Me këtë rast, Hoti tha se janë në Magure për të përuruar këtë shkollë, e cila është kompletuar sot.

“Shfrytëzoj rastin në ditën e parë të mësimit, të fillimti të vitit të ri shkollor që t’u kërkojë të gjithë nxënësve, arsimtarëve e prindërve kujës maksimal. Kemi punuar shumë gjatë këtyre javëve që të krijohen kushtet e nevojshme në mënyrë që nxënësit të mos mbesin prapa. Mësimi nuk merret askund sikur në bankat shkollore, por gjithashtu jemi të rrezikuar me këtë situatë. Por bashkë mund t’ia dalim, prandaj shfrytëzoj këtë moment që të kërkoj kujdes maksimal gjatë mbajtjes së mësimit”, tha Hoti.

Ai gjithashtu përgëzoi edhe ish-ministrin e Arsimit, Arsim Bajrami, deputetët që kanë qëndruar prapa Magures dhe Lipjanit, por mbi të gjitha kryetarin Ahmeti që udhëheq komunën duke iu dalë zot premtimeve

Të tjera