Lajme

Hoti: Na besoni sikur i keni besuar Presidentit Rugova

Autori: Gazeta inFokus 16:31 | 08 June 2017

Kandidati për kryeministër i koalicionit LDK-AKR-Alternativa, Avdullah Hoti ka thënë në tubimin në Ferizaj se është më se i sigurt në fitoren e 11 qershorit.

Ai ka thënë se numër i madh i të rinjve dhe të rejave po i bashkohen këtij koalicioni, njofton Klan Kosova.

“Prezenca e këtyre njerëzve është dëshmi për punën e ndershme dhe mënyrën e qeverisjes në Ferizaj”, ka shtuar ai.

-Advertisement-

“Kam marr besimin që t’i prijë kësaj liste, kurse bashkë me partnerët e kemi punuar në përpilimin e programit. Pres me padurim që ta nisim punën për realizimin e zotimeve tona”, ka theksuar ai.

Ai ka thënë se premtimet e tyre nuk janë vetëm slogane dhe fjalime, por janë zotime, janë besë, janë kontratë me qytetarët e Kosovës.

“Na besoni sikurse i keni besuar presidentit Rugova”, ka thënë Hoti.

“Prezenca juaj e dëshmon tash këtë besim. Ne nuk i sjellim me autobusë simpatizantët, as nuk i paguajmë të vijnë në tubime tona”.

“Numri i njerëzve që na janë bashkuar për këto tre javë është i jashtëzakonshëm”.

Ai ka thënë se njerëzit më të mirë të Kosovës janë bërë bashkë.

“Sondazhi më i mirë janë njerëzit që na bashkohen nëpër tubimet tona”, ka përfunduar ai.

Subscribe në YouTube: GAZETA INFOKUSI
Etiketa:
BKT Kosova vazhdon përkushtimin ndaj gjithëpërfshirjes duke dhuruar një furgon për të mbështetur fëmijët me nevoja të veçanta
-Advertisement-

Të tjera

Fokusi

lajme