Lajme

Hoti: Më 14 shkurt votohet në kuti të votimit, e jo në Facebook

Autori: Gazeta inFokus 20:22 | 15 January 2021

Kandidati për kryeministër nga Lidhja Demokratike e Kosovës (LDK), Avdullah Hoti, i hodhi poshtë të gjitha pretendimet se LDK nuk qëndron mirë për zgjedhjet e 14 shkurtit.

“Është kriju perceptim në opinion se gjoja LDK nuk i ka punët mirë. Mesazhin që jam tu e marr edhe sonte këtu edhe nëpër degët tjera ku jam tash e një javë nëpër vizita, është i qartë, po na thonë këtu jemi. Njerëzit nuk votojnë në Facebook, njerëzit votojnë në kuti. Njerëzit nuk votojnë nëpër ato ekranet e mëdha të debateve televizive komerciale, por votojnë në kuti të votimit, e kur e qet votën në kuti të votimit, nisesh prej mendjes dhe zemrës tende”, tha Hoti gjatë takimi me strukturat e partisë në Kaçanik.

Ai theksoi se LDK në këto zgjedhje ka përballë njerëz që nuk njohin konceptet demokratike.

-Advertisement-

“Këta nuk janë njerëz që promovojnë kulturë dhe debate demokratike. Garën do ta bëjmë në parime, parim kryesor është mbrojtja e demokracisë në Kosovës. Secili duhet të ndihet i lirë për të shprehur mendimin e vet pa ju nënshtruar dhunës verbale dhe fizike që vjen nga militantët e Facebookut”, tha Hoti.

Duke folur për largimin e Vjosa Osmanit dhe hyrjen e saj në listën e Vetëvendosjes, Hoti, tha se elektorati i LDK-së duhet të marrë mësim se kujt do ti jepet besimi tash e tutje. LDK, tha ai, ka nevojë për njerëz profesionist, me integritet të lartë dhe që kanë lojalitet ndaj shtetit të Kosovës.

Dega e Kaçanikut ka në listën për deputet, kandidaten Ardita Rrahmani, e cila vjen nga një familje atdhetare.

Subscribe në YouTube: GAZETA INFOKUSI
Comodita në Las Vegas Market prezanton linjat e reja të dyshekëve për tregun amerikan

Të tjera