Lajme

Hoti: LDK propozon këto masa pasi Ministria e Financave e rriti vlerën e pronave

Autori: Gazeta inFokus 13:22 | 28 January 2023

Ish-kryeministri i Kosovës, Avdullah Hoti ka thënë se “në kohën e dyfishimit të çmimeve, dyfishohet edhe tatimi në pronë për shkak se Ministria e Financave e rrit vlerën e pronave pa i marrë parasysh rrethanat socio-ekonomike në vend”.

Hoti ka thënë se Lidhja Demokratike e Kosovës(LDK) propozon dhe është e gatshme të mbështesë disa masa.

Ish-kryeministri Hoti ka propozuar që Ministria e Financave të pezullojë rivlerësimin e pronave dhe faturat për vitin 2023 të llogariten sipas vlerësimeve të mëparshme.

-Advertisement-

“Ministria e Financave të procedojë në Kuvend Ligjin e ri për Tatim në Pronë për të bërë përshtatjet që reflektojnë situatën e rëndë nga inflacioni”, ka propozuar Hoti.

Tutje Hoti ka propozuar që Ministria e Financave, në bashkëpunim me komunat, gjatë vitit 2023 të bëjë ri-vlerësimin e pronave pas përcaktimit të zonave që marrin parasysh zhvillimin e vendbanimeve dhe ngastrave kadastrale “(kjo për shkak se gjatë ri-vlerësimit të pronave janë përdorur zonat e vjetra pasi ka dështuar sistemi i Departamentit të Tatimit në Pronë)”.

Subscribe në YouTube: GAZETA INFOKUSI
Comodita Home dhe Prince Caffe: Sponsor të përgjithshëm të Sunny Hill Festival
-Advertisement-

Të tjera

Fokusi

lajme