Lajme

Hoti: Kjo qeveri ka thyer rekorde në degradimin e shtetit

Autori: Gazeta inFokus 12:04 | 09 February 2018

Shefi i Grupit Parlamentar të LDK-së Avdullah Hoti ka thënë se qeveria aktuale për katër muaj qeverisje ka thyer rekorde në degradimin e institucioneve dhe shtetit.

“Në 100 ditë të qeverisje kemi parë qeveri megalomane me zv ministra. Kemi një ministër që akuzohet për torturë një tjetër për gjuajtje me armë.. Kryeministri fyen gazetarët. Ka marrë vendime jo ligjore. Ka falur borxhe në mënyrë jo ligjore, ka falur borxhe në mënyrë jo kushtetuese. Temat e mëdha nuk po marrin zgjidhje. Demarkacioni po shihet që ka qenë kauzë e rrejshme. Dialogu me Serbinë po zhvillohet pa asnjë platformë”, ka thënë Hoti në një konferencë për media.

Sipas Hotit, asnjëherë në të kaluarën Kosova s’ka qenë më e izoluar se tani, derisa ka shtuar se gjatë mandatit të kësaj qeverie është rikthyer krimi dhe korrupsioni. Duke folur për iniciativën për shfuqizimin e Gjykatës Speciale, Hoti tha se liderët i përdoren deputetët e tyre e që tash i tradhtuan duke i distancuar.

-Advertisement-

“Në këto zhvillime dhe dështime përgjegjësinë e mban kryeministri por dhe PDK e cila do ta paguaj faturën në zgjedhjet e ardhshme”, tha Hoti. Ai ka kërkuar që sa më shpejtë të procedohet në kuvend Demarkacioni. “LDKe mbështet këtë demarkacion. Pas vendimit të demarkacionit qeveria duhet të jap dorëheqje dhe vendi të shkoj në zgjedhje. Shteti duhet të lirohet nga kjo klasë politike e padijshme dhe e papërgjegjshme”, theksoi ndër tjerash shefi i GP të LDK-së.

Subscribe në YouTube: GAZETA INFOKUSI