Dashi
Deshë të dashur ka ardhur koha të kapërceni çdo pengesë. Me rëndësi është të mos nxitoni shumë. Impulsiviteti në punë nuk ju shërben për të ecur përpara, duke rrezikuar edhe “territorin” e të tjerëve. Romantizmi ka nisur të ëmbëlsohet ndaj ruani veten nga ndonjë mërzitje e vogël që mund të përmbysë çdo gjë. Pika e dobët është zemërimi, çelësi i suksesit; atmosfera miqësore rreth jush.

Demi
Prioritetet vendosini duke studiuar terrenin. Këtë sezon tendenca juaj për t’u zënë edhe me leckat e trupit ju ka çuar në prag të humnerës në familje. Tani ndaloni pak ritmin dhe mendoni e shikoni përtej hundës tuaj. Emocionet e ndrydhura ju kanë bërë më shumë meskin, ndaj zbuteni tonin me ata që ju rrethojnë, nuk jeni në pozita të forta. Pika e dobët është paaftësia për të marrë vendime dhe çelësi i suksesit; rastësia.

Binjakët
Ka një harmoni perfekte në pozicionet astrale që po ju mban në një atmosferë melankolie që e kishit kërkuar prej kohësh. Kurioziteti dhe intuita juaj për atë që mendoni se është më e mira për ju, kanë rol vendimtar në ecurinë në çift. Dashuria ju ka pushtuar dhe po ecni me symbyllur nga frika se mos zgjoheni nga kjo ëndërr e bukur. Pika e dobët është ngarkesa e tepërt emocionale dhe çelësi i suksesit; vështrimi paqësor.

Gaforrja
Bëhuni gati për një javë impenjative dhe të bukur! Kapriçot që ju bënin të padurueshëm, tani ju janë kthyer në armën më të fortë. Keqkuptimet janë pak të rrezikshme, por mund t’i mbani nën kontroll duke menduar se pas stuhive del gjithmonë dielli. Pika e dobët është lidhja me të kaluarën dhe çelësi i suksesit; dëshira për ta jetuar jetën bukur.

Luani
Vetëbesimi ju bën luanë të vërtetë. Fati është në dorën e atyre që e kërkojnë, mjafton të dëgjoni zërin e zemrës. Takime romantike do ju ndryshojnë përshtypjet për gjithë sa e kishit fajësuar veten deri tani. Arritjet janë sa konkrete, po aq edhe jokonkrete, ndaj ndani ëndrrën nga realiteti. Pika e dobët është lufta me egon e tepruar dhe çelësi i suksesit; mirëkuptimi.

Virgjëresha
Virgjëresha intuitive, ndiqni rrahjet e zemrës! Intuita ju çon shpesh në shtigje që për të tjerët janë të paarritshme, shfrytëzojeni këtë dhuratë! Fokusi tek puna është përqëndruar në detaje që më parë I kishit neglizhuar. Surprizat do jua bëjnë më të bukur këtë periudhë. Pika e dobët është kërkesa për perfeksion ideal dhe çelësi i suksesit; koha që keni planifikuar për veten.

Peshorja
Ekuilibri është një stacion i lakmuar për ju, ndaj shikoni kë keni në krah. Vendimet që ju kërkohen t’i merrni me nxitim ju kushtëzojnë për të mos shkuar shumë larg. Ka një dritëz pozitive që ju pret në distancë me vendin dhe kohën që po kaloni. Në familje gjërat kanë nisur të lëvizin, ndaj jepini prioritet. Pika e dobët, zvarritja e punëve, çelësi i suksesit; kurajoja për t’u përballur me surprizat.

Akrepi
Akrepë magnetikë, erdhi koha të tërhiqni pranë vetes atë që ju bën të ndiheni mirë. Guxoni të shkoni përtej kërkesave bazike të momentit. Zgjidhja e probleme komplekse vjen me hapa të ngadaltë, thellësisht të mirëmenduar. Kontrolli i tepërt ndaj ndjenjave është pika e dobët dhe çelësi i suksesit, forma fizike përfekte.

Shigjetari
Një vit I ri sfidues ka trokitur në derë, mjaft të jeni të hapur për ndryshime. Koha është mikja juaj besnike, bëjini mirë llogaritë. Puna ju ofron shumë mundësi, ndaj mos lini gjë t’ju humbasë. Pika e dobët është entuziazmi pa shkak dhe çelësi I suksesit; realiteti transparent.

Bricjapi
Stinë e bukur për aventura. Ambicjet tuaja e bëjnë më të bukur garën me sfidantët e denjë që zgjidhni sa herë doni të lartësoni vlerat tuaja. Në dashuri bëni kujdes me sinqeritetin. Pika e dobët pretendimet e mëdha dhe çelësi i suksesit; besimi tek vetja.

Ujori
Ujorë krijues, shpreheni dimensionin tuaj shpërthyes dhe gjenialitetin si partnerë karizmatikë. Jeta po ju çon në brigje që mund të relaksoheni e të takoni alteregon tuaj egërsisht të dhënë pas të mirave materiale dhe shpirtërore. Pika e dobët është lakmia dhe çelësi i suksesit; fjalët e ëmbla.

Peshqit
Ditë e qetë dhe pa zhvillime pickuese në raportet ndërpersonale. Ruani stabilitetin dhe mos e prishni rutinën për fjalë të kota. Prakticiteti është mënyra e duhur për të mos i thënë “Jo!” çdo ftese në pamje të parë tunduese. Pika e dobët është frika nga karma juaj dhe çelësi i suksesit; largimi nga ujëra që turbullojnë linjën tuaj të paqtë të mendimeve.

Shkëlqim Devolli dhe Adriatik Kelmendi e presin ambasadorin amerikan, Jeff Hovenier

Sponsoruar