Sport

Holanda vuan ndaj Irlandës së Veriut, por kualifikohet në Evropian pas barazimit

Autori: Gazeta inFokus 22:56 | 16 November 2019

Holanda nuk ka arritur të marr më shumë se një barazim pa gola 0-0 në udhëtimin e tyre te Irlanda e Veriut në kuadër të Grupit C të vlefshëm për eliminatoret e Euro 2020.

Tulipanët kanë arritur të sigurojnë kualifikimin në Euro 2020 pas barazimit pa gola te Irlanda e Veriut.

Pjesa e parë e ndeshjes u karakterizua me dominim të holandezëve, por rastin më të mirë e patën vendasit.

-Advertisement-

Steven Davis pati mundësi reale të shënonte në minutën e 32-të, por e humbi penalltinë duke goditur mbi portë.

Në pjesën e dytë, përsëri Holanda pati dominimin dhe menaxhimin e lojës, por edhe përkundër rasteve të shumta, portat mbeten të paprekura dhe ndeshja përfundoi 0-0.

Me këtë barazim, Holanda mbetet e dyta me 16 pikë, ndërsa Irlanda e Veriut e treta me 13 pikë.

Në ndeshjen e radhës, Tulipanët e presin Estoninë, ndërsa irlandezo-veriorët udhëtojnë te Gjermania.

Subscribe në YouTube: GAZETA INFOKUSI

Të tjera

Fokusi

sport