Lajme

Historia e kameramanit anglez: Para 22 vjetësh e xhiroi gjendjen në Kosovë, ndërsa dje ndeshjen

Autori: Gazeta inFokus 11:53 | 11 September 2019

Ndeshja mes Anglisë dhe Kosovës, në kuadër të kualifikimeve për Kampionatin Evropian 2020, ishte paraprirë nga shumë histori për luftën në Kosovë në fund të viteve të 90-ta dhe rolin e Britanisë së Madhe në bombardimet e NATO-s, shkruan Gazeta Express.

Historia e ngritjes së Kosovës si shtet dhe si ekip kombëtar u rrëfye nga shumë media britanike sportive, mirëpo kameramani i televizionit ITV Football, Chris James, nuk kishte nevojë t’i lexonte ata artikuj për të mësuar rreth historisë së “Dardanëve”.

James kishte qenë dështimar i situatës në Kosovë, pasi që ai vetë kishte xhiruar në territorin e vendit në vitin 1997, siç tregon gazetari i ITV Sport, Gabriel Clarke.

-Advertisement-

Tani, 22 vjet më parë, James u bë vetë dëshmitar i ngritjes së Kosovës, ashtu siç është cilësuar nga mediat britanike “nga joekzistente në prag të kualifikimit për EURO 2020”, pasi që xhiroi në ndeshjen e mbrëmshme mes Kosovës dhe Anglisë.

Në këtë ndeshje, të zhvilluar në stadiumin e Southamptonit, “St. Mary’s”, Anglia e mposhti Kosovën me rezultat 5:3, duke i dhënë fund ecurisë prej 15 ndeshjeve pa disfatë.

Megjithatë, kosovarët e shprehën mirënjohjen e tyre për ndihmën e Anglisë në bombardimet e NATO-s përmes pankartave si ajo ku shkruhej “Falë juve, tani ne luajmë kundër juve. Gjithmonë mirënjohës ndaj teje, Anglia jonë e dashur”.

 

Subscribe në YouTube: GAZETA INFOKUSI

Të tjera

Fokusi

lajme