Lajme

Hill: Vëzhguesit ndërkombëtarë zbuluan një sërë mangësish në zgjedhjet në Serbi

Autori: Gazeta inFokus 14:45 | 22 December 2023

Ambasadori amerikan në Beograd, Christopher Hill ka publikuar një mesazh me rastin e zgjedhjeve në Serbi, ku ka thënë se vëzhguesit ndërkombëtarë kanë vënë re një sërë parregullsish në këtë proces.

Ai tha po ashtu se është e rëndësishme që Serbia të punojë me vëzhguesit ndërkombëtarë për të adresuar këto çështje.

Në këtë mesazh, Hill ka thënë po ashtu se qeveria e ShBA-së pret vazhdimin e bashkëpunimit me qeverinë e Serbisë për çështje me interes të përbashkët.

-Advertisement-

“Kjo, natyrisht, përfshin çështjet rajonale, por edhe dëshirën e Serbisë për t’u bërë plotësisht pjesë e familjes së kombeve perëndimore”, tha Hill në X.

Ai shtoi se Serbia duhet të bëjë shumë për të qenë e gatshme për këtë rrugëtim, e njëra prej tyre është sundimi i ligjit.

Siç tha Hill, zgjedhjet janë një “stres test” për demokracinë dhe kjo vlen për çdo vend.

Subscribe në YouTube: GAZETA INFOKUSI
Etiketa:
KosovaMed përmbyll vitin me sukses – dhuron donacione për QKMF-në e Junikut

Të tjera

Fokusi

lajme