Lajme

Hekuran Murati: Qytetarët janë të mësumë me i tejkalu krizat

Autori: Gazeta inFokus 20:31 | 28 May 2022

Ministri i Financave, Hekuran Murati, nuk pajtohet me vlerësimet e organizatave ndërkombëtare financiare që thonë se rritja ekonomike do të shkojë nga 2% në 4% si pasojë e luftës në Ukrainë.

Murati tha se, sipas parashikimeve, rritja ekonomike reale do të jetë 5.7%, megjithatë shton se qytetarët i përballojnë krizat.

“Parashikimet tona që kemi bërë dhe projeksionet që kemi parashohin një rritje ekonomike reale prej 5.7%. Ne patëm thanë qysh në mes vit kur patëm bë rishikimin e buxhetit që rritja kap shifrën dyshifrore dhe në fund të vitit ashtu edhe doli. Tash normalisht që modelet e organizatave ndërkombëtare janë çdo herë më konservative dhe marrin, si të them, indikatorët e përgjithshëm. Ne këtu normalisht njohim, duke qenë se jetojmë këtu, shohim edhe çdo ditë bizneset por edhe njohim qytetarët tonë e dimë se sa të qëndrueshëm janë ndaj krizave jemi të mësuar si qytetarë dhe si popull me kriza dhe duke marrur parasysh ne jemi goxha agjil, goxha të përshtatshëm ndoshta edhe më lehtë se popujt e tjer.”, ka thënë Murati

-Advertisement-

Po ashtu kujtojmë se qëndrimin për këtë gjë e ka ndryshuar edhe Qeveria e Kosovës ku parashikimet në fillim të këtij viti sa i përket rritjes ekonomike i kishin 7-8%, ndërkaq sot thonë se do të ketë rënie në 5.7%.

Subscribe në YouTube: GAZETA INFOKUSI
Studio MASTER në UNI, Merr Diplomë dhe lejeqëndrim t’përhershëm në GJERMANI

Të tjera