Lajme

Hekuran Murati “i dorëhequr” nënshkruan udhëzim administrativ për arkat fiskale

Autori: Gazeta inFokus 16:46 | 15 Prill 2025

Deputeti i sapozgjedhur nga Lëvizja Vetëvendosje, Hekuran Murati, ka bërë të ditur përmes një postimi në Facebook se ka nënshkruar një Udhëzim të ri Administrativ që ka të bëjë me arkat fiskale, në kuadër të zbatimit të Ligjit për Administrimin e Procedurave Tatimore, shkruan Gazeta Infokus.

Sipas Muratit, ky udhëzim është rezultat i një pune të gjatë dhe profesionale nga grupi punues dhe synon të modernizojë sistemin aktual të fiskalizimit përmes digjitalizimit të plotë.

“Udhëzimi parasheh një periudhë tranzitore për kalimin nga sistemi ekzistues në atë të ri, duke u dhënë kohë të mjaftueshme bizneseve të përshtaten. Ndërsa për ato që ende nuk kanë sistem fiskalizimi, parashikohet një afat 60-ditor për instalimin e sistemit të ri”, shkroi Murati.

-Advertisement-

Ai bëri të ditur gjithashtu se softueri i ri i fiskalizimit do të ofrohet nga ofrues të licencuar, me të cilët ATK tashmë ka zhvilluar takime informuese dhe pritet që bashkëpunimi të vazhdojë.

Ndërkohë, Murati ka dhënë dorëheqje nga detyra e Ministrit të Financave, bashkë me gjithë kabinetin qeveritar të udhëhequr nga Albin Kurti. Këtë e ka konfirmuar Ministrja e Drejtësisë, Albulena Haxhiu, e cila tha se dorëheqjet janë bërë në përputhje me obligimet që kanë pasur për shkak të seancës konstituive të Kuvendit.

Edhe Ministri i Bujqësisë, Faton Peci, konfirmoi se të gjithë anëtarët e kabinetit kanë përmbushur detyrimin e tyre për dorëheqje.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy