Lajme

Heathrow nis hetimet pa gjetjes së të dhënave antiterror në USB

Autori: Gazeta inFokus 13:12 | 30 Tetor 2017

Zyrtarët e aeroportit Heathrow në Londër kanë nisur hetimet, pasi që një USB me të dhëna të besueshme, përfshirë edhe rutinën e saktë të mbretëreshës, thuhet të jenë gjetur në rrugë.

Gjithsej 76 skedarë janë gjetur në USB, përfshirë edhe harta, video dhe dokumente, raporton Sunday Mirror.

Të dhënat nuk ishin të enkriptuara dhe nuk ishin të mbrojtura me fjalëkalim.

-Advertisement-

Gazeta shkruan se të dhënat përmbajnë detaje të masave të sigurisë për të mbrojtur mbretëreshën dhe llojet e identifikimit, përfshirë zyrtarë policorë, të cilët kanë qasje në zonat e ndaluara.

Në skedarë ishte paraqitur edhe rutina dhe masat e sigurisë për ministrat e kabinetit.

Hartat e lokacioneve të sakta të kamerave CCTV, tunelet dhe boshtet e shpëtimit të lidhura me Heathrow Express po ashtu thuhet të jenë gjetur në USB, përfshirë edhe detaje të sistemeve të radarëve ultrazë të përdorur për skanime në aeroport.

USB është gjetur në një rrugë nga një njeri, i cili ia ka dorëzuar Mirror, ndërsa kjo e fundit e ka dorëzuar te shefat e inteligjencës së Heathrow.

Është e paqartë nëse kjo ka ndodhur qëllimisht, ose për shkak të paaftësisë, shkruan gazeta.

Një zyrtar i aeroportit ka thënë për Sky News, se kanë rishikuar të gjitha planet e sigurisë dhe se siguria e Heathrow mbetet në nivel.

“Ne kemi nisur një hetim të brendshëm për të kuptuar se si ka ndodhur kjo dhe janë ndërmarrë masat për të parandaluar që situata të ngjashme mos të ndodhin në të ardhmen”, kanë thënë zyrtarë të Heathrow.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy