Lajme

Haziri, pas tërmetit në Gjilan: Nuk ka vend për panik

Autori: Gazeta inFokus 21:39 | 20 February 2021

Pas tërmetit me intensitet 2.5 shkallë rihteri që e goditi jugun e Gjilanit pasditen e të shtunës, kryetari i Komunës, Lutfi Haziri, në cilësinë e udhëheqësit të shtabit të emergjencave civile, ka bërë të ditur se nuk ka vend për panik, duke apeluar qytetarët për qetësi.

Haziri ka njoftuar se fatmirësisht nuk ka raportime për dëme materiale e as në njerëz.

Ai është shprehur se janë në kontakt të vazhdueshëm me Institutin Sizmologjik të Kosovës, i cili ka raportuar për karakteristikat e kësaj lëkundjeje.

-Advertisement-

Shtabi i emergjencave civile në Gjilan apelon qytetarët që të mos shqetësohen pasi mund të ketë sërish dridhje të vogla, të cilat vijnë pas goditjes së parë, si aktivitet tektonik.

Subscribe në YouTube: GAZETA INFOKUSI

Të tjera

Fokusi

lajme