Lajme

Haziri: Kurti nuk ka ardhë me qeveris, por për me ba dramë dhe me u viktimizu më pas

Autori: Gazeta inFokus 23:13 | 04 October 2022

Nënkryetari i Lidhjes Demokratike të Kosovës, Lutfi Haziri ka thënë se po dëshmohet që kryeministri Albin Kurti nuk është në qeveri për të qeverisur, por për të krijuar dramë e për t’u viktimizuar më pas.

Ai ka hedhur akuza ndaj Kurtit, për siç ka shkruar ai, sjelljen e tij me qytetarët, duke e quajtur të ligë, idhnak dhe të padinjitet.

Ai gjithashtu ka thënë se mësimi i kësaj klase politike që udhëheq me institucione duhet të jetë se bëm procese e realizuam ëndrra, u mundësuam juve që 24 orë me më të dashurit tuaj, trup-rojet dhe sejmenët, të gjunjëzoheni para veprave tona, ikonave tona, varreve tona dhe të manifestoni me mjetet dhe mekanizmat që lamë trashëgimi./IndeksOnline/

-Advertisement-

Postimi i plotë:

Përkitazi me situatën dramatike të krijuar nga kryeministri Kurti, po e përsëris statusin e para disa ditëve për krejt ata që nuk e kanë lexuar, me një koment shtesë pasi u dëshmua ajo që e kemi thënë vazhdimisht – Albin Kurti nuk ka ardhë me qeveris, por për me ba dramë dhe me u viktimizu më pas. Madje, këtë e bën me një lehtësi të padurueshme. Sa i ligë, idhnak e i padinjitet u tregua karshi qytetarëve, veçanërisht atyre që ia dhanë besimin më 14 shkurt. S’kanë me ta falë. Jemi gjallë!

Çka do të lini ju pas, kush feston për një ngjarje tuajen dhe para kujt me dërgu lule?!

Mësimi i kësaj klase politike që udhëheq me institucione duhet të jetë se Ne që shkaktuam procese e realizuam ëndrra, u mundësuam juve që 24 orë me më të dashurit tuaj, trup-rojet dhe sejmenët, të gjunjëzoheni para veprave tona, ikonave tona, varreve tona dhe të manifestoni me mjetet dhe mekanizmat që lamë trashëgimi.

Dikush ka vdekur për këtë ditë, dikush është në burg e dikush në Kuvend të Republikës dhe institucione.

Nuk jemi njëjtë! Mos harroni, duke ‘lëpirë’ eshtrat e etërve, dëshmorëve e të zhdukurve, nuk qeveriset. Te gjallët jetojnë për të dëshmuar!

A po besoni tash?!

Çka do të lini ju pas, kush feston për një ngjarje tuajën dhe para kujt me dërgu lule?!

Republika, mbi te gjitha! Udhës për t’u bashkuar edhe më shumë!

Subscribe në YouTube: GAZETA INFOKUSI
Artmotion me ofertë PAKO SUPREME – kësaj radhe më shumë argëtim!
-Advertisement-

Të tjera

Fokusi

lajme