Lajme

Haziri: Emërimi i Rashiqit e përjashtoi Kurtin nga Samiti historik i Tiranës

Autori: Gazeta inFokus 20:19 | 06 December 2022

Nënkryetari i LDK-së, Lutfi Haziri, ka thënë se sot kur e tërë Evropa zbarkoi në Samitin historik e më të madhin të organizuar ndonjëherë në Tiranë, kryeministri i vendit Albin Kurti sipas tij, u la jashtë dhe e përcolli prej Prishtinës.

Haziri përmes një postimi në Facebook, ka thënë që emërimi i Rashiqit e përjashtoi Kurtin nga Samiti historik i Tiranës.

Ai tutje tha se dallimi i Kurtit si kryeministër nga Kurti opozitar është “si nata me ditën”.

-Advertisement-

“Emërimi i Rashiqit e përjashtoi Kurtin nga Samiti historik i Tiranës! Kurti akuzon qeveritë e kaluara për çdo gjë, por emëron ministra nga e kaluara prej Listës “Povratak”. Dikur kësaj liste i referohej me “Serbët e Thaçit” e sot po të njëjtit i rehabiliton në Kabinet ministrash. E sot, kur e tërë Europa zbarkoi në Samitin historik e më të madhin të organizuar ndonjëherë në Tiranë, Kurti u la jashtë dhe e përcolli prej Prishtinës. Duket se emërimi i Rashiqit e përjashtoi Kurtin nga Samiti historik i Tiranës! Kurti është figura më kontraverze e politikës kosovare dhe njeriu që nuk ka fare konsistencë në qëndrime. Sa për rikujtim, Kurti pati thënë se kur të vije në krye të Qeverisë nuk do të takohet me Vuçiqin, se nuk e di dhe nuk do t’ia dijë për presionin ndërkombëtar, se do ta rikthejë flamurin kuq e zi e do ta heq atë ‘lara-lara’, se do ta bëjë bashkimin kombëtar, se do a shtrijë sovranitetin në veri, se nuk do të ketë korrupsion e nepotizëm, se do ta çkap shtetin, që do t’ua ul pagën vetit e çka s’pati thënë se”.
“Por, e bëri saktësisht të kundërtën. U takua me Vuçiqin pa asnjë kusht, hoqi dorë nga konfiskimi dhe gjobat për targat, madje e negocioi në tavolinë vendimin e Qeverisë së Kosovës me Vuçiqin. Flamurin, siç i thoshte ai, ‘lara-lara’, e mban tash me krenari dhe nuk u betua më me atë kuq e zi, bashkimin kombëtar e harroi, dhe për me keq, si asnjëherë më parë, i prishi raportet me udhëheqësit e Republikës së Shqipërisë”, ka shkruar ai.

Subscribe në YouTube: GAZETA INFOKUSI