Lajme

Haxhiu reagon pas dënimit të Dardan Krivaqës e Arbër Sejdiut: Gjykim i drejtë për krimin mizor

Autori: Gazeta inFokus 12:54 | 04 August 2023

Gjykata Themelore e Ferizajt e ka dënuar sot Dardan Krivaqën me burgim të përjetshëm dhe Arbër Sejdiun me 15 vjet burg, për vrasjen e 18-vjeçares, Marigona Osmani.

Pas këtij vendimi ka reaguar Ministrja e Drejtësisë, Albulena Haxhiu, duke thënë se është “gjykim i drejtë për krimin mizor”, raporton Express.

Haxhiu ka thënë se uron që drejtësia ndaj rasteve të dhunës e vrasjeve të grave të jetë në nivelin më të lartë professional, “duke shqiptuar dënimet më meritore, të pa ndikuara dhe të pa ngarkuara nga mendime provinciale e patriarkale siç kemi parë në të kaluarën.”

-Advertisement-

Krivaqa e Sejdiu akuzoheshin edhe për dhunim dhe ndihmë në kryerje të dhunimit, por Gjykata i ka liruar nga akuza, “meqë në asnjë provë të vetme nuk është vërtetuar se i akuzuari e ka kryer këtë vepër penale.”.

“I akuzuari Dardan Krivaqa lirohet nga akatkuza për veprën penale “Dhunimi”, meqë në asnjë provë të vetme nuk është vërtetuar se i akuzuari e ka kryer këtë vepër penale. I akuzari Arbër Sejdiu lirohet nga aktakuza për veprën penale “Ndihmë në kryerje të veprës penale Dhunimi”, meqë në asnjë provë të vetme nuk është vërtetuar se i akuzuari e ka kryer këtë vepër penale”, ka thënë kryetari i trupit gjykues.

Subscribe në YouTube: GAZETA INFOKUSI
Etiketa:
Artmotion me ofertë PAKO SUPREME – kësaj radhe më shumë argëtim!
-Advertisement-

Të tjera

Fokusi

lajme