Lajme

Haxhiu: Presim dënimet më të larta, krimi mbi Liridonën është alarm që s’duhet të pushojë derisa të ketë drejtësi

Autori: Gazeta inFokus 12:03 | 05 December 2023

Ministrja e Drejtësisë, Albulena Haxhiu, në konferencën “Të bashkuar kundër dhunës – Mjaft!” ka folur për vrasjen e 30-vjeçares Liridona Ademaj, e cila u qëllua me armë ditë më parë, derisa tha se “ishte një rast tjetër ku kemi të bëjmë me femicid”.

Haxhiu theksoi se pas një pune intensive mes Policisë së Kosovës dhe Prokurorisë, aktorët e vrasjes së 30-vjeçares u arrestuan, teksa shtoi se priten dënimet më të larta për këtë krim.

Haxhiu para të pranishmëve në konferencë shtoi se si shoqëri s’duhet të jemi të qetë derisa të krijohet një e tillë ku respektohet dinjiteti i vajzave dhe grave, e se krimi mbi Liridonën është alarm që s’duhet të pushojë derisa të kemi një shoqëri ku ka drejtësi e barazi.

-Advertisement-

“Kjo ngjarje e rëndësishme vjen pak ditë pas vrasjes së Liridona Ademajt, një tjetër vrasje e një gruaje e porositur nga bashkëshorti i saj, një tjetër ligësi që sjell vdekjen e një gruaje, një tjetër rast që kemi të bëjmë me femicid. Fatbardhësisht pas një pune intensive, akterët e vrasjes së Liridonës janë arrestuar dhe të gjithë presin dënimet më të larta për kryerjen e këtij krimi më të rëndë”.

“Dje ia dhamë lamtumirën e fundit Liridonës, por ne si shoqëri s’do të jemi të qetë derisa të krijojmë një shoqëri ku respektohet dinjiteti i vajzave dhe grave dhe jeta e tyre. Krimi mbi Liridonën është alarm qe s’duhet të pushoj derisa të mbrojmë një shoqëri ku ka drejtësi e barazi. Kërkojmë drejtësi për Liridonën dhe të gjitha gratë tjera që u vranë nga bashkëshortët e tyre. Çështja e dhunës na përket të gjithëve dhe të gjithë kemi përgjegjësi ta luftojmë”.

Subscribe në YouTube: GAZETA INFOKUSI
Etiketa:
Diplomon gjenerata e dytë e studentëve UNIK të UNI-të me diploma të fuqizuara nga Arizona State University
-Advertisement-

Të tjera

Fokusi

lajme