Lajme

Haxhiu për raportet me KPK-në: Po konsiderojnë se nuk duhet të ketë vetting në drejtësi

Autori: Gazeta inFokus 11:35 | 30 Dhjetor 2021

Ministrja e Drejtësisë, Albulena Haxhiu ka thënë sot se raportet me Këshillin Prokurorial të Kosovës nuk janë edhe aq të këqija.

Në një konferencë për media, Haxhiu tha se me KPK-në më shumë ka pasur përplasje verbale për çështjen e vetingut në sistemin e drejtësisë.

“Sa i përket raporteve me KPK-në konsiderojë që nuk janë ashtu siç duken. Ka pasur disa acarime më shumë verbale dhe në këtë drejtim konsideroj që arsyet për këtë janë reformat në drejtësi që ka nisur MD-ja. Besoj që edhe njerëzit e mirë që janë brenda sistemit të drejtësisë që ka shumë të tillë që kanë integritet moral dhe profesional e kanë në interes që të bëhen reformat në drejtësi”, tha ajo.

-Advertisement-

Më tutje ministrja tha se është e hapur për bashkëpunim, teksa shtoi se KPK-ja konsideron se nuk duhet të ketë veting në drejtësi.

“Besoj që këto reforma nuk duhet që të jenë pengesë për sistemin e drejtësisë. Unë jam shumë e hapur që të kem bashkëpunime me ta. Mosprania e tyre në grupe punuese që lidhen me vetingun ata konsiderojnë që nuk duhet të ketë veting por për këtë kanë vendosur qytetarët e Kosovës”, ka thënë ajo.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy