Lajme

Haxhiu në vizitë zyrtare në Letoni, flet për integrimin në BE dhe anëtarësim në KiE

Autori: Gazeta inFokus 17:32 | 02 October 2024

Ministrja e Drejtësisë, Albulena Haxhiu, ka bërë të ditur se sot ka shkuar për vizitë zyrtare në Letoni.

Në një postim në Facebook, ajo ka deklaruar se vizitën e ka nisur me një takim të përzemërt me homologen e saj letoneze, Inese Libina Egnere.

Më tej, ajo ka shtuar se Republika e Kosovës dhe Letonia kanë një partneritet të fuqishëm.

-Advertisement-

“Në këtë takim e falënderova për mbështetjen që Letonia i ka dhënë Kosovës në shumë procese të rëndësishme për vendin, në procesin e integrimit, anëtarësimin në organizata ndërkombëtare si dhe liberalizimin e vizave dhe Këshillin e Evropës”.

“Diskutuam gjatë për punët që po bëjmë dhe për mbështetjen që na duhet në aspektin e digjitalizimit të sistemit në Kosovë, përdorimin e të dhënave të gjyqësorit në politikëbërje, si dhe bashkëpunimit në fushën e trajnimeve të veçanta për gjyqësorin dhe stafin tjetër”, ka thënë Haxhiu.

Subscribe në YouTube: GAZETA INFOKUSI
Etiketa:
BKT Kosova nderohet me tre Çmime prestigjioze për qëndrueshmëri
-Advertisement-

Të tjera

Fokusi

lajme