Lajme

Haxhiu lëshon një audio në Kuvend: Hashim Thaçi e Hajredin Kuçi janë mundur të amnistojnë krimet që ka kryer Serbia në Kosovë

Autori: Gazeta inFokus 11:40 | 04 May 2023

Ministrja e Drejtësisë, Albulena Haxhiu në seancën e Kuvendit të Kosovës, i ka reaguar opozitës konkretisht Partisë Demokratike të Kosovës, të cilët hodhën kritika mbi qeverinë për marrëveshjen për të pagjeturit e cila u arrit të martën në Bruksel.

Hahxiu ka akuzuar PDK-në se sa ishin në pushtet janë munduar të amnistojnë krimet që Serbia ka kryer në Kosovë.

Ministrja ka lëshuar në Kuvend një deklaratë të ish ministrit të Drejtësisë nga PDK-ja, ku dëgjohet të ketë thënë se “me qenë pozitiv tash po jam shumë i sinqertë, Për krime lufte se kishë dënu askënd të jem i sinqertë, të ishte në dorën time, se për mua kulmi i një lufte është liria dhe pavarësia krejt këto tjerat janë pjesë e atij çmimi”.

-Advertisement-

E me këtë deklaratë tash ministrja e Drejtësisë ka akuzuar këtë parti duke thënë se një qasje të tillë të amnistimit të krimeve të luftës e ka ndjekur edhe ish presidenti, Hashim Thaçi sa e ka udhëhequr dialogun me Serbinë.

“Është e papranueshme që në këtë Kuvend të mos njihet kontributi i jashtëzakonshëm i qeverisë për të adresuar krimet e luftës”… Sepse siç jeni në dijeni ka pasur tentativa nga qeveritë e kaluara kur ato janë udhëhequr pra nga PDK-ja, nga njerëz të PDK-së q ëtë amnistohen krimet që Serbia i ka bërë në Kosovë…. në mënyrë që të dëgjoni një deklaratë që ka dhënë Hajredin Kuçi. Këtë qasje e ka ndjek qeveria e PDK-së këtë qasje e ka ndjek edhe Hashim Thaçi sa ka udhëheq dialogun me Serbinë”, ka thënë Haxhiu në Kuvend.

Kritika të shumta qysh me nisjen e seancës së sotme erdhën nga opozita në adresë të kryeministrit duke e akuzuar atë se ka barazuar Kosovën dhe Serbinë për krime lufte me pranimin e marrëveshjes për të pagjeturit./Gazeta Infokus/

Video:

NDIQENI LIVE SEANCËN:

Subscribe në YouTube: GAZETA INFOKUSI
MYZHDE për krejt!

Të tjera