Lajme

Haxhiu kerkon llogari për rastin e vrasjes në QKUK: Fëmija ka mund të shpëtohej

Autori: Gazeta inFokus 23:03 | 08 December 2022

Deputeti i PDK-së, Bekim Haxhiu, në seancën e sotme të Kuvendit të Kosovës, ka thënë se dikush duhet të japë llogari për mos shpëtimin e fëmijës, në rastin e vrasjes së Hamide Magashit, para Klinikës Gjinekologkike në QKUK.

Ai tha se, edhe pse vrasja ka ndodhur brenda QKUK-së, nuk është bërë asnjë përpjekje minimale që të shpëtohet fëmija dhe për këtë duhet dikush të japë llogari.

“Çështja e Hamide Magashit, vrasjen e saj para derës së Gjinekologjisë, fajtori dihet për vrasjen e Hamide Magashit, por do të doja me kërku përgjegjësi për atë fëmijën që ka pas me lind. A i është dhënë trajtimi i duhur, a ka kujdes shëndetësor? A është bërë përpjekje me shpëtu? Mund të ketë dhe ndonjë reagim si tifoz. Por, mjekësia ligjore mësohet më fakultet. Çdo i diplomuar në fakultetin e mjekësisë e din që në raste të tilla a duhet ruajtur provat, a duhet të shpëtohet jeta. Dikush duhet të japë llogari për atë fëmijë që ka vdek. Sepse nuk është bërë përpjekje as minimale me shpëtu.

Ai fëmijë ka pasë të nesermen me lindë. Vetëm një prerje cezariane që është zbulu 2500 vjet me herët me pas bë, ai fëmijë sot do të ishte gjallë. Duhet dikush me dhënë llogari për këtë punë. Dhe këtë e kërkoj. Ministria, nëse ska pasë dorëheqje morale nga gjithë zingjiri brenda  QKU-së, atëherë duhet të kërkohet llogari. Kur s’ka dorëheqje morale, përgjegjësia dhe llogaridhënia duhet me ekzistu.

Këtë e kërkoj, që ministrja e Drejtësisë duhet me kërku. Nëse është kërku për policët e i kanë suspendu do policë atje në Lipjan, që nuk dihet cila ka qenë përgjegjësia e tyre, duhet dhe për vdekjen e femijes në oborrin e QKUK-së.  Me pas ndodhë në qendër të Prishtinës, do të duhej të kishte përpjekje për ta shpëtuar e lëre më 100 metra larg emergjencës, ka vdek një femijë që nesër ka pasë me lind dhe askush nuk jep përgjegjësi për këtë” tha Haxhiu.

Të tjera

Fokusi

lajme