Lajme

Haxhiu jep lajm të mirë, këto kategori lirohen nga Tarifat Noteriale

Autori: Gazeta inFokus 13:20 | 22 July 2022

Ministrja e Drejtësisë, Albulena Haxhiu, ka njoftuar se disa kategori janë liruar nga Tarifat Noteriale, shkruan IndeksOnline.

Ajo tha se sot ka nënshkruar Udhëzimin e Ri Administrativ ku caktohen tarifa të arsyeshme duke i mundësuar qytetarëve shpenzime të përballueshme për shërbimet noteriale.

Postimi:

Sot nënshkrova Udhëzimin e ri Administrativ për Tarifat Noteriale, me të cilin ulen konsiderueshëm tarifat për shërbimet noteriale, si dhe:

lirohen në tërësi nga tarifat noteriale fëmijët pa kujdes prindëror, personat me nevoja të veçanta, personat që kërkojnë të realizojnë të drejtat në Qendrën për Punë Sociale dhe personat që përfitojnë nga Ligji për Ndihmë Juridike Falas;

pamundësohet tarifimi i vërtetimit të dokumenteve që ruhen në dosjen e aktit noterial me çka ulen dukshëm shpenzimet e palës pranë noterit. Me këtë Udhëzim Administrativ caktohen tarifa të arsyeshme duke i mundësuar qytetarëve shpenzime të përballueshme për shërbimet noteriale.

Të tjera