Lajme

Haxhiu: Gjyqtari Kalludra merr urdhra nga “Klani Pronto” prandaj Kurti e Kadaj po mbahen në paraburgim

Autori: Gazeta inFokus 16:34 | 20 December 2017

Sot është mbajtur seanca gjyqësore për dy deputetë të Kuvendit të Kosovës nga radhët e Vetëvendosjes, Albin Kurtin dhe Donika Kadajn-Bujupin si të dyshuar për hedhje të gazit lotsjellës në Kuvendin e Kosovës, shkruan Infokusi.com

E deputetja e VV-së, Albulena Haxhiu e cila ishte e akuzuar në këtë rast ka thënë se Gjyqtari i këtij rasti po pranon urdhra nga Klani Pronto

“ Gjyqtari Kalludra e ka të zënë bishtin me derë dhe vazhdimisht po pranon urdhra nga Klani Pronto” ka thënë Haxhiu.

-Advertisement-

Ajo ka vazhduar duke thënë se Gjyqtari ka refuzuar 60 dëshmitarë të propozuar nga pala e akuzuar në mesin e të cilëve edhe Kadri Veslin, Hashim Thaçin, dhe Isa Mustafën.

“Ne si deputet të Kuvendit të Kosovës, sipas Kushtetutës dhe sipas Kodit të Procedurës Penale e kemi të drejtën të propozojmë dëshmitarë që janë faktor kyç në këtë proces gjyqësor. Ne kemi propozuar 30 dëshmitarë dhe Gjyqtari ka refuzuar secilin duke përfshirë edhe Kadri Veselin, Hashim Thaçin dhe Isa Mustafën” ka shtuar Haxhiu, shkruan Infokusi.com

Deputetja e VV-së, ka shtuar se plani i gjyqtarit Kalludra është ti dënoj deputetët dhe për këtë po i mban ende në paraburgim.

“Nuk ka asnjë arsye që Kurti dhe Donika të mbahen në paraburgim por Kalludra ka në plan të jap dënime për këta deputet prandaj po e bënë këtë”/INFOKUSI

Subscribe në YouTube: GAZETA INFOKUSI