Lajme

Haxhiu: Bashkëndjej me familjarët e viktimave në Pejë, qoftë ngjarja e fundit e trishtë

Autori: Gazeta inFokus 13:56 | 25 June 2023

Ministrja e Drejtësisë, Albulena Haxhiu, ka thënë se mëngjesi i sotëm u bë tejet pikëllues kur u kuptua se vërshimet e mbrëmshme në Pejë lanë pas dy viktima.

Ajo përmes një postimi në Facebook, ka thënë se bashkëndjejnë me familjarët për humbjen e më të dashurve të tyre, me shpresën se kjo ngjarje e trishtë të jetë e fundit.

Haxhiu po ashtu ka thënë se institucionet lokale dhe mekanizmat shtetërore po veprojnë që kjo krizë të tejkalohet sa më parë.

-Advertisement-

Postimi i saj i plotë:

Mbrëmja e djeshme në Pejë shkaktoi shqetësim tek qytetarët atje dhe në të gjithë Kosovën në përgjithësi. Mëngjesi i sotëm u bë edhe më pikëllues kur kuptuam se nga përmbytjet në disa pjesë të qytetit, pas të reshurave të shiut, paskan humbur jetën fëmija 5 vjeçar dhe nëna e tij.

Institucionet lokale atje si dhe mekanizmat të tjerë shtetëror po veprojnë që kjo krizë të tejkalohet sa më parë dhe duhet të bëhet maksimumi në kushtet optimale të rregullimit infrastrukturor që vërshimet e tilla të mos përsëriten.

Bashkëndjejmë me dhimbjen e familjarëve për humbjen e më të dashurve të tyre, me shpresën që kjo të jetë ngjarje e fundit e trishtë që ndodhë jo vetëm si pasojë e kushteve natyrore por edhe si papërgjegjësi institucionale në ndërtimin cilësor të infrastrukturës urbane.

Subscribe në YouTube: GAZETA INFOKUSI