Lajme

Haxhiu: Aktivistët e VV-së i zgjuan nga gjumi Institucionet

Autori: Gazeta inFokus 13:49 | 17 August 2018

Deputetja e Kuvendit të Kosovës nga radhët e VV-së, Albulena Haxhiu ka reaguar pas arrestimit të tetë aktivistëve të Vetëvendosjes.

Haxhiu përmes një postimi në facebook ka shkruar se arrestimi i deputetes, Saranda Bogujevci dhe 7 aktivistë të tjerë është i pa pranueshëm, shkruan gazeta inFokus.

Duke kërkuar liri për të arrestuarit e drejtësi për gratë që janë vrarë, Haxhiu ka shkruar se aksioni i sotëm u realizua me qëllim të zgjimit të institucioneve nga gjumi..

-Advertisement-

Më poshtë mund të gjeni të plotë postimin e Haxhiut.

“Kur institucionet janë në gjumë dhe nuk reagojnë karshi raportimeve për dhunën në familje, aksionet simbolike bëhen të domosdoshme për t’i zgjuar nga gjumi ata që kanë për detyrë të mbrojnë jetët e vajzave, grave, fëmijëve!

Lexo edhe: Arrestohet deputetja e Vetëvendosjes

Arrestimi i aktivistëve dhe deputetes Saranda Bogujevci është i papranueshëm dhe ka për tendencë mbylljen e gojës karshi vrasjeve të vajzave e grave!

Ne do të vazhdojmë me aksione të tilla e të ngjashme deri sa të ketë reagim të menjëhershëm karshi dhunës ndaj grave!

Liri për të arrestuarit!

Drejtësi për gratë që janë vrarë!

Dënim kriminelëve!”, ka shkruar Haxhiu.

Aksioni simbolik kundër dhunës ndaj grave dhe fëmijëve eksaloj duke filluan të hidhnin ngjyrë të kuqe drejt ndërtesës dhe policëve, shkruan gazeta inFokus.

Lexo edhe: Këta janë aktivistët e VV-së të arrestuar

E si rezultat i kësaj Policia e Kosovës ka arrestuar tete aktivistë të Vetëvendosjes.

Të arrestuarit janë deputetja e Kuvendit të Kosovës, Saranda Bogujevci dhe aktivistët Rinë Zhitia, Diellëz Arifi, Elona Kurti, Arta Berisha, Çlirim Gërbeshi, Atdhe Arifi, Patrik Domi.

Gjatë arrestimit pati përleshje fizike mes policisë së Kosovës dhe aktivistëve të VV-së./inFokus.

Subscribe në YouTube: GAZETA INFOKUSI