Haskuka: Gjendja aspak e mirë, rreth 4 mijë padi kundër komunës së Prizrenit
Autori: Gazeta inFokus 09:36 | 09 January 2018
Kryetari i komunës së Prizrenit, Mytaher Haskuka ka reaguar të martën lidhur me gjendjen e komunës që tashmë udhëheq, duke thënë se pas analizës së parë të gjendjes nëpër dikastere komunale, kanë konstatuar se gjendja aktuale nuk është aspak e mirë.
Haskuka në një postim në rrjetin social Facebook shkruan se në takim me përfaqësuesen e vetme ligjore e cila është duke mbrojtur interesin e publik të komunës në gjykatat e Kosovës është informuar se janë rreth 4000 padi nga qytetarë, kompani të ndryshme private apo agjenci.
Lexoni të plotë postimin e Haskukës në Facebook:
“Të nderuar qytetarë të komunës së Prizrenit,
Javën e ardhme do të konstituohet kryesia e asamblesë së komunës si dhe do t’i emëroj drejtorët përgjegjës, prej të cilëve pres angazhim maksimal në mënyrë që t’i zgjidhim problemet emergjente të qytetarëve.
Mbas analizës së parë të gjendjes nëpër dikastere komunale, kemi konstatuar se gjendja aktuale nuk është aspak e mirë. Përtej njohurive tona, kemi trashëguar një komunë me probleme të grumbulluara për dekada.
Për ilustrim, nga dy zarfet e para që i hapa si kryetar e para ishte padi ndaj komunës për mosrespektim të kontratës së nënshkruar, ndërsa zarfi tjetër ishte informata që një biznes kishte dërguar komunën tek përmbaruesi ngase komuna nuk kishte paguar për shërbimet që i kishte marrë nga kompania.
Në takim me përfaqësuesen e vetme ligjore e cila është duke mbrojtur interesin e publik të komunës në gjykatat e Kosovës, u informova që sot janë rreth 4000 padi nga qytetarë, kompani të ndryshme private apo agjenci. Kjo do të thotë që në 16 vitet e fundit çdo ditë pune është ngritur nga një padi nëpër gjykata kundër Komunës së Prizrenit.
Një analizë e shpejtë e këtyre padive tregon që vlera e tyre mund të shkojë mbi 50 milionë euro, këto eventualisht do të paguhen prej buxhetit të Komunës së Prizrenit dhe kjo shumë është më e lartë sesa buxheti vjetor i Komunës së Prizrenit.
Përkthyer në vepra, zyrtarët e qeverisë së kaluar, në 16 vite të fundit, me kontrata të dëmshme, mospunë dhe me shkelje ligjore çdo ditë pune kanë dëmtuar Komunën me rreth 12.000 Euro.Të jem i sinqertë, për fat të keq këto nuk janë të vetmet dëme që i janë shkaktuar komunës së Prizrenit.
Ditëve në vijim do t’i publikojmë edhe problemet tjera të shkaktuara nga keqpërdorimet apo keq menaxhimi i qeverisë së kaluar.Por, përkundër kësaj situate trishtuese që e kemi trashëguar, kërkoj nga ju që të mos dëshpëroheni. Për ta tejkaluar këtë situatë, na duhet angazhim i madh i gjithsecilit prej nesh dhe angazhimi juaj qytetar. Bashkërisht mund ta tejkalojmë këtë gjendje.
Duke marrë parasysh të gjitha këto, javën e ardhshme do të formohet qeveria e re e përbëre nga një koalicion i gjerë i subjekteve, ngase për ndryshime të mëdha nevojitet bashkim dhe angazhim i madh.Në koalicion do të mundohem të përfshij të gjithë ata që duan ndryshime rrënjësore për të kthyer komunën banorëve të Prizrenit.
Qytetarët me plot arsye kanë pritje të mëdha nga qeverisja e re, prandaj unë do të angazhohem me tërë qenien time për ndryshime të domosdoshme dhe të njëjtën gjë e kërkoj nga të gjithë bashkëpunëtorët e zgjedhur. Për më tepër, më nevojitet ndihma e gjithsecilit prej jush, në mënyrë që t’i realizojmë të gjitha zotimet e premtuara.
Prizreni njihet si ‘ma i bukuri vend’, ngase për 2000 vjet ka ditur t’i tejkalojë problemet e veta.
Nëse punojmë bashkë ka shpresë!
Na e priftë e mbara!”.
Të tjera
-
Kurti: Sikur Serbia të ishte nën sanksione, s’do të ishim në këtë situatë – ky është shtet mafioz
Kryeministri i vendit, Albin Kurti, ka thënë se po të kishte sanksione ndaj S...
-
Serbia dje ndaloi mbi 1 mijë kosovarë, ministri i brendshëm jep detaje: U maltretuan – i pyetën për lidhjet me UÇK-në
Ministri i Punëve të Brendshme, Xhelal Sveçla ka folur për ndalimin e qindra ...
-
Hovenier: Jam i shqetësuar me ndalimin e zëvendësdrejtorit të policisë Jankoviq nga Serbia
Ambasadori i Shteteve të Bashkuara të Amerikës Jeffrey Hovenier, ka zhvilluar...
-
Bora mbulon Zvicrën dhe Gjermaninë
Edhe pse gjysma e prillit ishte jashtëzakonisht e ngrohtë, temperaturat janë ...
-
Haradinaj: Institucionet shtetërore të japin ultimatum të prerë për lirimin e Jankoviqit
Kryetari i AAK-së, Ramush Haradinaj ka thënë se ka qenë inert reagimi i Kosov...
-
Borrell paralajmëron lúftë të gjerë në Lindjen e Mesme
Takimi i ministrave të jashtëm të G7-ës ka filluar të enjten me diskutimet e ...
-
Qeveria miraton Projektligjin për njohjen e kualifikimeve profesionale për infermierë, kirurgë, veterinerë, farmacistë dhe mami
Qeveria ka miratuar Projektligjin për ratifikimin e marrëveshjes për njohjen ...
-
Hovenier i shkon në zyrë presidentes Osmani pas zhvillimeve të djeshme në kufijtë serb
Ambasadori i ShBA-së në Kosovë, Jeffrey Hovenier i ka shkuar këtë të enjte në...
-
Rohde, Serbisë: Shtensionoje situatën, menjëherë!
Ambasadori i Gjermanisë në Kosovë, Jorn Rohde i ka kërkuar Serbisë shtensioni...
-
Lirohen policët e ndaluar në Serbi, përveq zv.drejtorit Jankoviq
Kryeministri i Kosovës, Albin Kurti, tha se sipas informacioneve të fundit, k...
-
Përfundon takimi i Lajçakut me Petkoviqin
I dërguari i posaçëm i Bashkimit Evropian për dialogun ndërmjet Kosovës dhe S...
-
Haradinaj uron kadetët që iu bashkuan sot Policisë së Kosovës: Rrugëtim të mbarë dhe suksese në karrierë
Sot kanë diplomuar 445 kadetë të Policisë së Kosovës. Ata i ka uruar kryet...