Lajme

Hashim Thaçi vendos sot: Qeveri e re apo zgjedhje

Autori: Gazeta inFokus 09:08 | 02 April 2020

Të mërkurën u takua me krerët e Vetëvendosjes, LDK-së e PDK-së.

E këtë të enjte, Presidenti i Kosovës, Hashim Thaçi do të takohet edhe me të parin e AAK-së, Ramush Haradinaj e atë të NISMA-s Fatmir Limaj, shkruan gazeta inFokus.

Temë e këtyre takimeve është situata e re politike e krijuar.

-Advertisement-

E pas këtyre takimeve, Thaçi ka thënë që do ta bëj të qartë qëndrimin e tij, nëse do të ketë zgjedhje apo një qeveri të re.

“Janë dy mundësi, një që të shkohet në zgjedhje dhe tjetra është mundësia që unë e kam për obligim si president i vendit që të shmangen zgjedhjet në këto rrethana pandemie për krijimin e qeverisë së re. Mundësinë e parë e ka partia e parë e pastaj të shohim. Pas mocionit më 25 mars vendi është në një gjendje të re politike dhe natyrisht në kuptimin procedural kushtetues të ri sa i përket themelimit të institucioneve. Ne kemi një qeveri të shkarkuar, në ikje apo largim. Për hapat vijues si presidenti i vendit do ta respektoj në tërësi Kushtetutën. Takimi i parë me Kurtin është i karakterit procedural dhe juridik i presidentit me kryetarin e partisë së parë që të dëgjoj opinionin e tij se a mund të krijojë ajo parti shumicën apo jo. Ky takim ka pasë karakter procedural dhe juridik., Nuk jam nga ata që bisedat që zhvillohen brenda ti prezantoj në studio televizive. Unë jam i obliguar të respektoj vullnetin e të gjithë njerëzve të Kosovës, dhe jo vetëm të një partie. U mbetet atyre që e kanë shumicën ta dëshmojnë këtë, por nëse nuk ndodhë kjo do të lëvizim në përputhje me praktikat”, është shprehur Thaçi./Gazeta inFokus/

Subscribe në YouTube: GAZETA INFOKUSI

Të tjera

Fokusi

lajme