Harxhohen vaksinat e gripit në QKMF-të, qytetarët duhet t’i blejnë vet
Autori: Gazeta inFokus 13:29 | 19 January 2020
Rreth 12 mijë vaksina kundër gripit sezonal u shpërndanë veç në rajonin e Prishtinës.
Por, pavarësisht kësaj, kërkesat po mbesin ende të mëdha, shkruan gazeta inFokus.
Dhënia e tyre, kishte filluar nga data 20 dhjetor, mirëpo qytetarët po frekuentojnë QKMF-të, për t’u pajisur me këto vaksina.
E shefi i Njësisë së Vaksinimit në Qendrën Kryesore të Mjekësisë Familjare në Prishtinë, Nexhmedin Hoti, po thotë që dhënia e vaksinave kundër gripit sezonal ka përfunduar prej 20 dhjetorit.
Ndërkaq, sipas tij, shumë pacientë kanë mbetur pa të, shkaku i neglizhencës, shkruan gazeta inFokus.
“Pacientët e interesuar dhe ata që kanë qenë me indikacione për marrjen e vaksinës së gripit, vaksinën e kanë marrë, ka pacientë që kanë mbet pa e marrë vaksinën e gripit për shkak të neglizhencës së tyre apo për çfarë arsye nuk e di po që kanë ardhur me vonesë ata nuk kanë pasur mundësi me pas vaksinë se janë kryer vaksinat e gripit. Dmth është një pakicë e njerëzve që vijnë herë pas here pyesin a ka, a kanë mbetur vaksina të gripit. Por, vaksina të gripit në Prishtinë nuk kanë mbetur dhe nuk ka. Po mendoj në QKMF e Prishtinës. Ngase të gjitha vaksinat e dedikuara për ne i kemi aplikuar te personat të cilët kanë pasur nevojë për me marrë këtë vaksinë”, theksoi ai për Ekonomiaonline.
Më tutje, Hoti, thotë se nuk do të bëjnë më kërkesa në IKSHP, për furnizim me vaksina.
“Ne i kemi kryer vaksinat tona qa ka pasur Komuna e Prishtinës i ka kryer vaksinat, ne nuk bëjmë më kërkesa, ngase i kemi planifikuar 1 vit paraprakisht për këtë doza të vaksinës, Kurse nëse këto komunat tjera nuk i kanë kryer ose nuk i kanë dhënë unë nuk e di. Vaksinat janë sezonale, as nuk rezervohen, as nuk pritet për me u dhënë mëtutje. Ato mund të jepen edhe deri në maj, porse vaksinat për me u mbrojt nga gripi duhet me u dhënë në sezonën në kohën e caktuar kur është koha optimale”, u shpreh ai.
E të gjithë qytetarët të cilët kanë mbetur pa marrë këtë vaksinë, atë mund ta gjejnë në ndonjë barnatore edhe pse sasia e tyre është shumë e vogël.
Një farmaciste tha për Ekonomia Online se çmimi i një vaksine kundër gripit sezonal, kushton 12.50 euro.
“Ne kundër gripit sezonal në Prishtinë, kemi pasur 10 mijë doza nga IKSHP-ja. Ne pas marrjes së 10 mijë dozave kemi marrur edhe një sasi që ka pasur Instituti prej 750 dozave , Kështu që Komuna e Prishtinës ka pasur në dispozicion 11,750 doza të cilat i kemi marrë dhe i kemi aplikuar deri më 20 dhjetor. Prej 20 dhjetorit ne nuk kemi vaksina të gripit më”, tregoi ajo.
Ndërsa, nga Ministria e Shëndetësisë, thonë se secili qytetar që dëshiron të vaksinohet duhet të kontaktojë me personat përgjegjës në njësitë e vaksinimit.
“Çdo qytetar i cili është i interesuar të vaksinohet dhe që është pjesë e këtyre grupacioneve duhet të kontaktojë me personat përgjegjës në njësitë e vaksinimit dhe nëse ata ka mungesë të vaksinave që mund të jetë e shpenzuar e kontaktojnë IKSHP-në, të cilët mund të sigurojnë doza të tjera të vaksinave, sepse ne ditët e kaluara MSh-ja u ka bërë thirrje njësive të vaksinimit nga kujdesi parësor shëndetësor që aty ku kanë tepruar vaksina ata ta informojnë IKSHP-në dhe të njëjtat të përdoren në një komunë ku ka më tepër nevoja”, tha Hoti.
Ai ka saktësuar se në krejt Kosovën janë shpërndarë 100 mijë vaksina.
Sipas Hotit, ka ende vaksina pasi shteti është i obliguar të mbajë rezerva.
Instituti Kombëtar i Shëndetësisë Publike (IKShP), në vazhdimësi ka bërë thirrje që qytetarët të vaksinohen kundër gripit sezonal.
Të tjera
-
SHBA vendos veto ndaj anëtarësimit të plotë të Palestinës në OKB
Më 18 prill, për shkak të votës veto të SHBA-së, projekt-rezoluta për t'i rek...
-
Policia kërkon bashkëpunim nga qytetarët për gjetjen e dy personave
Policia e Kosovës ka njoftuar qytetarët duke kërkuar bashkëpunim për gjetjen ...
-
Gjykata merr vendim për Akil Gjakoven, i ndalon afrimin ndaj bashkëshortës në distancë prej 50 metrash
Gjykata Themelore në Pejë – Departamenti i Përgjithshëm Penal, ka refuzuar kë...
-
Lajçaku thotë se anëtarësimi në BE, është nxitja më e fortë për zgjidhjen e mosmarrëveshjeve siç ka Kosova dhe Serbia
Ndërmjetësuesi i BE-së, për dialogun, Miroslav Lajçak ka thënë sot se perspek...
-
Ferizaj: Djali e rrāh babain, e sülmon me kubëz betoni dhe tenton ta godās me veturë
Një ngjarje e rëndë ka ndodhur të enjten në Ferizaj. Si rezultat i një mos...
-
Mentor Beqiri në paraburgim, dështon seanca për detyrimin 2.8 milionësh ndaj ATK-së
Në Gjykatën Themelore të Prishtinës, ka dështuar të mbahet një gjykim për një...
-
Kosova në Këshillin e Evropës, Rusia: Turp!
Autoritetet ruse e kanë cilësuar “të turpshëm” vendimin e fundit të Asamblesë...
-
Sinjalizuesi: Letër shqetësimi kryeministrit Kurti për rastin e përndjekjes së një shërbyesi civil që e denoncoi korrupsionin
Sinjalizimi i një rasti që kishte të bënte me “Faljen e borxheve për Ambalazh...
-
Policia konfiskon mbi 2 mijë patentë-shoferë për tre muaj
Policia e Kosovës i ka shtuar aktivitetet e saj për të parandaluar aksidentet...
-
Vd*es profesori Binak Gërguri
Ka vdekur profesori Binak Gërguri, punonjësi shumëvjeçar i Institutit Pedagog...
-
NDODH DHE KJO/ Mjekët japonezë padisin Google Maps, ja arsyeja
Afër 60 mjekë në Japoni kanë ngritur padi, duke akuzuar Google Maps për injor...
-
Policia konfiskon dy armë zjarri në dy raste të ndryshme në Suharekë
Policia e Kosovës ka njoftuar për konfiskimin e dy armëve të zjarrit brenda 2...