Lajme

Haradinaj: Vota e Maqedonisë, lajm i mirë edhe për Kosovën

Autori: Gazeta inFokus 10:20 | 20 October 2018

Kryeministri i Kosovës Ramush Haradinaj ka vlerësuar votën e Kuvendit të Maqedonisë pro ndryshimeve kushtetuese për ndryshimin e emrit.

Vota e Parlamentit të Maqedonisë, thotë ai, në mbështetje të fillimit të procedurave kushtetuese për ndryshimin e emrit, është lajm i mirë edhe për Kosovën e rajonin.

“Vizioni, guximi dhe pjekuria politike e lidershipit dhe popullit të Maqedonisë ishin vendimtare për t’u ngritur mbi të kaluarën jo të lehtë historike, dhe për t’i dhënë fund njërës prej mospajtimeve më të vështira në rajon”, ka shkruar në Facebook Haradinaj.

-Advertisement-

Ai ka thënë se orientimi euro-atlantik i shteteve të Ballkanit Perëndimor është jetik në ruajtjen e paqes dhe stabilitetit në rajon.

Subscribe në YouTube: GAZETA INFOKUSI