Lajme

Haradinaj Stublla: Kompromiset e dhimbshme në dialogun me Serbinë sollën rezultatin e sotëm në KE

Autori: Gazeta inFokus 20:52 | 24 April 2023

Ish-ministrja e Punëve të Jashtme, Meliza Haradinaj Stublla ka bërë një reagim pasi Kosova ka kaluar me sukses fazën e parë të anëtarsimit në Këshillin e Evropës.

Ajo thotë se besimi i pakontestueshëm në demokraci e paqe, bashkëpunimi i ngushtë e i përhershëm me aleatët tradicionalë ndërkombëtarë, dhe konstruktiviteti i qëndrueshëm në dialogun me Serbinë e kompromiset e dhimbshme sollën këtë rezultat.

Mes tjerash, ish-ministrja ka përgëzuar institucionet e Kosovës për këtë hap të rëndësishëm sot.

-Advertisement-

Shkrimi i plotë:

REPUBLIKA E KOSOVËS NË KËSHILL TË EVROPËS (KE)

Besimi i pakontestueshëm në demokraci e paqe, bashkëpunimi i ngushtë e i përhershëm me aleatët tradicionalë ndërkombëtarë, dhe konstruktiviteti i qëndrueshëm (e besa edhe kompromiset e dhimbshme) në dialogun me Serbinë – sollën përfundimisht rezultatin e sotëm ku Republika e Kosovës është proceduralisht me një këmbë brenda Këshillit të Evropës!

Përgëzime institucioneve të Kosovës për këtë hap të rëndësishëm sot, duke shpresuar për të njejtën siguri procedurale e politike përgjatë rrjedhës së hapave të mëtutjeshëm deri në konfirmimin përfundimtar të Kosovës si anëtare me të drejta të plota!

(Fotografi e vitit 2011 në vizitë studimore në KE, Strasburg, Francë).

Subscribe në YouTube: GAZETA INFOKUSI
Etiketa:
Prince Coffee shkon edhe në Ferizaj – ambient i ngrohtë e risi në menu (VIDEO)
-Advertisement-

Të tjera

Fokusi

lajme