Lajme

Haradinaj: SHBA është shumë këmbëngulëse për heqjen e taksës

Autori: Gazeta inFokus 21:17 | 14 March 2019

Kryeministri Ramush Haradinaj ka treguar sonte se Shtetet e Bashkuara të Amerikës dhe vendet evropiane, janë shumë këmbëngulëse për heqjen e taksës dhe vazhdimin e dialogut.

Ai tha këtë duke komentuar ardhjen e delegacioneve të SHBA-së, Gjermanisë dhe Anglisë në Kosovë, ku është kërkuar nga Kosova heqja e taksës.

Në një intervistë për TV Dukagjini, Haradinaj ka thënë se taksa është kthyer në problem për ta, pasi presidenti i Serbisë ka thënë se me taksën në fuqi nuk pranon të ulet në bisedime.

-Advertisement-

“SHBA është shumë këmbëngulëse për heqjen e taksës, kurse edhe evropianët tani janë më këmbëngulës për heqjen e taksës”, tha ai.

Ai po ashtu ka dhënë një premtim, duke pohuar se “po u them sonte publikisht SHBA-së dhe aleatëve tjerë, detyronte Serbinë t’i anulon kontratat për blerje të armeve për aq sa shet mallra në Kosovë, edhe ne do ta anulojmë taksën”.

I pyetur në lidhje me atë se AAK në sondazhet e fundit ka një rritje prej 6 për qind, Haradinaj tha se do të donte që këtë rritje ta fitonte duke hapur vende të lira të punës dhe zbatim të ligjit.

Kurse për deklaratën e kryetarit të PDK-së, Kadri Veseli se “e len në lloç këdo që i dëmton raportet me SHBA-të”, Haradinaj ka qenë më i matur, duke pohuar se nuk është qëllimi i tij me i prish raportet me SHBA-në.

“Edhe unë pajtohem me deklaratën e Veselit. Nëse vjen puna me i prish marrëdhëniet me SHBA-në, unë vet shkoj në shtëpi, sepse unë popullin tim dhe vendin tim nuk e dëmtoj”, tha ai.

Subscribe në YouTube: GAZETA INFOKUSI

Të tjera

Fokusi

lajme