Lajme

Haradinaj: Seancave të kuvendit u ka humbur kuptimi, situata është për keqardhje

Autori: Gazeta inFokus 12:39 | 11 June 2025

Deputeti i AAK-së, Daut Haradinaj, ka deklaruar se seancat e kuvendit kanë humbur kuptimin dhe se shumica e deputetëve kanë të drejtë t’i bojkotojnë ato.

Sipas tij, me këtë situatë vendi është duke shkuar drejt zgjedhjeve të reja.

“Mendoj që shumica e deputetëve kanë të drejtë të bojkotojnë kuvendin dhe po duket që jemi duke shkuar drejt zgjedhjeve. Se kur do të marrë epilog, do të shohim. Vendimi i Gjykatës Kushtetuese që pritet të dalë shpejt, mund t’i japë epilog të caktuar”.

-Advertisement-

I pyetur se a rrezikojnë pragun nëse shkojnë në zgjedhje të reja, siç janë duke pretenduar partitë e tjera, ai tha se AAK-ja do të jetë gjithmonë këtu dhe se do të jetë subjekt serioz.

“Edhe ne jemi të gatshëm gjithmonë sepse jemi parti politike, ne i kemi pritur zgjedhjet lokale dhe mendoj që do të dalim shumë suksesshëm, por pse jo edhe nëse janë zgjedhjet nacionale në të njëjtën kohë, janë të mirëseardhura. Më vjen mirë që kanë kohë me u marrë me Aleancën…, por siç po e shihni, prapë Aleanca do të jetë këtu dhe do të jetë subjekt shumë serioz politik”.

Subscribe në YouTube: GAZETA INFOKUSI
Artmotion me ofertë PAKO SUPREME – kësaj radhe më shumë argëtim!
-Advertisement-

Të tjera

Fokusi

lajme