Lajme

Haradinaj: Rreshtimi i NATO-s me në krye me ShBA-të krah UÇK-së, është konfirmim i pastërtisë së luftës sonë çlirimtare

Autori: Gazeta inFokus 14:55 | 09 June 2023

Kryetari i Aleancës për Ardhmërinë e Kosovës (AAK), Ramush Haradinaj ka thënë se rreshtimi i NATO-s me në krye me ShBA-të përkrah UÇK-së paraqet një dëshmi të pastërtisë së luftës çlirimtare në Kosovë.

Me anë të një postimi në Facebook, Haradinaj ka deklaruar se mobilizimi ndërkombëtar ndaj popullit kosovar synonte lirinë e shtetit dhe jo vetëm.

“24 vjet më parë në Kumanovë u nënshkrua marrëveshja e cila përfundimisht i dha vulë të drejtës sonë për të jetuar në liri duke i dhënë fund regjimit serb në Kosovë dhe spastrimit etnik si qëllim thelbësor i Millosheviqit. Rreshtimi i NATO-s me në krye me ShBA-të krah UÇK-së, është konfirmim i pastërtisë së luftës sonë çlirimtare. Mobilizimi i botës demokratike për t’i dalë në krah popullit të Kosovës që synim shekullor kishte lirinë, ishin vendimtare për lirinë dhe sot shtetin tone”, ka shkruar ai.

-Advertisement-

Tutje, kryetari Haradinaj ka shprehur mirënjohjen e tij ndaj aleatëve ndërkombëtar.

“Populli i Kosovës do të jetë gjithmonë mirënjohës ndaj aleatëve tanë për lirinë dhe pavarësinë e Kosovës. Shqiptarët përjetësisht i janë falënderuese Amerikës për secilën etapë të historisë sonë!”, ka shkruar ai.

Subscribe në YouTube: GAZETA INFOKUSI
Etiketa:
Po, Po 31 Vetura Dacia Logan shpërblim për konsumator nga ETC
-Advertisement-

Të tjera

Fokusi

lajme