Lajme

Haradinaj: Që kur vajza e Rugovës e votoi Thaçin për president, nuk ka më standarde në politikë

Autori: Gazeta inFokus 22:06 | 25 April 2017

Vijat e kuqe sa i përket krijimit të koalicioneve partiake në Kosovë nuk ekzistojnë, sipas liderit të Aleancës për Ardhmërinë e Kosovës, Ramush Haradinaj.

E këtë konkludim të tijin, Haradinaj e arsyeton me faktin se standardet në politikën e Kosovës janë prishur në momentin kur vajza e Ibrahim Rugovës e ka votuar për president Hashim Thaçin, kundërshtarin më të madh politik të ish-presidentit Rugova.

“Kur edhe vajza e Rugovës e ka votuar Thaçin president nuk ka standarde më në politikë. Më nuk ka vija të kuqe në politikë. Këta i kanë hedh poshtë standardet politike. Nuk mund të presësh më prej askujt”, ka thënë Haradinaj në emisionin “Rubikon” të Kohavisionit.

-Advertisement-

Sipas Haradinajt, është populli i Kosovës ai që vendos rreth manovrimeve që bëhen në politikë.

“Për këtë arsye është populli ai që duhet të vendosë që të mos i votojë këta që janë tash në politikë. Por kur populli nuk po vendos qartë nuk të lenë shumë mundësi për manovrime”, deklaroi ish-kryeministri i Kosovës, trasnmeton Insajderi.

Haradinaj po mbahet në Francë që nga 4 janari i këtij viti, pasi u arrestua në bazë të një urdhër-arresti ndërkombëtar të lëshuar nga Serbia.

Vendimi për ekstradimin apo jo të Haradinajt në Serbi do të jepet të enjten e 27 prillit në gjykatën e Colmarit.

Subscribe në YouTube: GAZETA INFOKUSI
Etiketa:
EURO 2024 dhe Serie A, dy ekskluzivitetet absolute të Artmotion këtë vit
-Advertisement-

Të tjera

Fokusi

lajme