Lajme

Haradinaj për gjuhën fyese të Kurtit: Ma “hajvan” se ni Kryeminister që pas 4 vite qeverisje ka tregu “vica”

Autori: Gazeta inFokus 12:32 | 10 February 2025

Aleanca për Ardhmërinë e Kosovës ka mbajtur sot konferencë për media.

I pyetur rreth gjuhës së Kryeministrit, Albin Kurti, pas shpalljes së rezultateve preliminare, ku i quajti opozitën “hajvana”, i pari i AAK-së, Ramush Haradinaj e dënoi gjuhën fyese ndaj këtij të fundit.

“Ai epitet i shkon atij, ma “hajvan” se ni Kryeminister që pas 4 vite qeverisje ka tregu “vica” gjatë tërë fushatës, ska pas as ni program konkret nuk ka të arritura asgjë, fatkeqesisht ky eshte realiteti ynë”, tha Haradinaj.

-Advertisement-

Haradinaj tha se një gjuhë e tillë u përdor për arsyen se Kurti nuk arriti rezultatin të cilin e kishe pritur.

“Qytetarët e Kosoves dje kan mujt ma pa kush është ai, një Kryeministër që nuk ka mbërri rezultat të mbërritur, as unë nuk e kam arrit të priturin mirpo nuk kam bërë asnjë ndërhyrje që e dëmton të arriturën e Kosovës”, deklaroi i pari i AAK-së.

Koalicioni AAK-NISMA-Konservatorët-E30-IDEAL pas numërimit të rreth 90% të votave në nivel vendi, rezulton forca e katërt politike në vend.

Ky koalicion sipas rezultateve aktuale, në të cilat nuk përfshihen votat e diasporës dhe ato me kusht, ka marrë 57 mijë e 509 vota apo 7.57%.

 

Subscribe në YouTube: GAZETA INFOKUSI
Super Zbritje në Artmotion
-Advertisement-

Të tjera

Fokusi

lajme