Lajme

Haradinaj nuk mund ta shkarkoi shefin e AKI-së pa izën e Thaçit

Autori: Gazeta inFokus 10:50 | 30 March 2018

Kryeministri i Kosovës, Ramush Haradinaj mëngjesin e së premtes përmes një letre drejtuar shefit të AKI-së, Driton Gashi, i ka kërkuar lirimin nga detyra. Kjo kërkesë në fakt u komentua krejtësisht gabim nga nga momenti i publikimit dukë e komentuar si vendim të formës së prerë për shkarkim.

E vërteta është ndryshe. Kreu i ekzekutivit nuk ka marrë vendim për shkarkimin e kreut të AKI-së, Driton Gashit dhe një gjë të tillë nuk ka fuqi ligjore as kushtetuese ta bëj, shkruan Infokusi.com.

Shkarkimi i AKI-së, sipas LIGJI PËR AGJENCINË E KOSOVËS PËR INTELIGJENCË, kreut II nenit 5.3 dhe 5.4, mund ta bëjë presidenti i vendit, në këtë rast Hashim Thaçi bashkërisht me kryeministrin e vendit Ramush Haradinajn.

-Advertisement-

Njëjtë siç emërohet në koordinim, pajtim me dy krerët e shtetit është e paraparë me ligj edhe shkarkimi.

“… Presidenti i Republikës së Kosovës së bashku me Kryeministrin, emërojnë së bashku Drejtorin e AKI brenda njëzet (20) ditësh pune nga dita kur pozita mbetet e lirë.”, thuhet shprehimisht në Nenin 5.3 në Kreun e II të Ligjit të AKI-së.

Ndërsa, në nenin 5.4 tekstualisht thuhet kështu: “… Drejtori i AKI-se shkarkohet nëpërmjet procesit të njëjtë me të cilin është emëruar”.

Ndryshe, në letrën e Haradinajt thuhet se arsye për këtë kërkese është mos informimi rreth ndërprerjes së leje qëndrimit, ndalimit dhe depërtimit urgjent të gjashtë qytetarëve turk nga Kosova për në Turqi.

Kryeministri i Kosovë i vetëm nuk mund të marrë vend për shkarkimin e drejtorit të AKI-së pasi emërimin e tij e bënë Presidenti i Kosovës dhe Kryeministri ndërsa e njëjta procedurë duhet ndjekur edhe për shkarkimin e tij.

Të enjten janë arrestuar dhe depërtuar në Turqi gjashtë zyrtarë të shkollave të Gulenit në Kosovë./INFOKUSI