Lajme

Haradinaj nuk çuditet me rezultatin në PISA: E dimë gjendjen në arsim, nuk është e mirë

Autori: Gazeta inFokus 19:20 | 03 December 2019

Gjatë kësaj të marte është publikuar rezultati “PISA”, ku edhe këtë vit Kosova zë një pozitë jo të mirë.

Në listën e rezultateve Kosova zë vendin e treta nga numërimi prej fundit të listës, shkruan gazeta inFokus.

E kryeministri në detyrë, Ramush Haradinaj, nuk është befasuar me renditjen e Kosovës në testin e vlerësimit në arsim PISA.

-Advertisement-

Në një intervistë në Info Magazinë ai ka thënë se rezultatin e dobët nuk e konsidero lajm, pasi që sipas tij dihet që në arsim gjendja nuk është e mirë.

“Rezultati i dobët nuk është lajm për mua, e dimë gjendjen në arsim, nuk është e mirë. Në tërësi rritja e nivelit në arsim, janë keqpërdor grevat për paga dhe të gjitha këto kanë ndikuar dhe unë dhe Qeveria mbajmë përgjegjësi. Është gjendje e vështirë në arsimin tonë dhe të gjithë duhet ta japim kontributin tonë.

Arsimi ndryshon kur ka një vetëdije mes katër palëve. E para Qeveria duhet të jetë në nivelin e vetëdijes së duhur, pastaj organizata e prindërve dhe nxënësve”.

Se nuk është gjendja e mirë në këtë sektor ai ka thënë se e ka pohuar edhe më parë dhe ka thënë se këtu ka dështuar edhe vetë si Kryeministër.

Nuk kam arrit ta bëjë ndryshimin e duhur të mirë dhe shpresoj që Qeveria e ardhshme ta bëjë. Arsimi është tema më e rëndë që duhet të lidhet me ekonominë”, është shprehur Haradinaj./Gazeta inFokus/.

Subscribe në YouTube: GAZETA INFOKUSI

Të tjera

Fokusi

lajme