Lajme

Haradinaj në takim me studentë, premton krijimin e fondit për financim të punësimit të parë të të rinjve

Autori: Gazeta inFokus 19:38 | 17 December 2024

Kandidati për kryeministër i koalicionit AAK, Nisma, Lista Konservatore dhe Forumi Intelektual E-30, Ramush Haradinaj, ka zhvilluar një bashkëbisedim me studentë të univesiteteve të ndryshme me të cilët ka biseduar për programin e tij zgjedhor.

Haradinaj ka thënë se kjo ishte një mundësi e jashtëzakonshme për të dëgjuar dhe për të kuptuar njëri-tjetrin.

“Gjatë një bashkëbisedimi të frytshëm me studentë të universiteteve të ndryshme ndamë mendime të hapura mbi sfidat dhe perspektivën e të rinjve. Ishte një mundësi e jashtëzakonshme për të dëgjuar dhe për të kuptuar njëri-tjetrin.
Programi ynë mes tjerash përfshin:
– Fond për financim të punësimit të parë të të rinjve;
– Harmonizimin e plotë të politikave arsimore, shëndetësore, kulturore, të punësimit dhe të zhvillimit në relacion me gjeneratat e reja;
– Identifikimin e talentëve të veçantë dhe trajtimi institucional i karrierës së tyre”, ka thënë Haradinaj.

-Advertisement-

Haradinaj është zotuar se mbështetja për rininë do të jetë prioritet.

“U zotova se mbështetja për rininë do të jetë prioritet, duke investuar në arsim cilësor, përkrahje për ndërmarrësit e rinj dhe lehtësira për kalimin nga shkolla në vendin e punës. Përkrahja e tyre e sinqertë dhe vizioni i përbashkët për një Kosovë të zhvilluar ekonomikisht, anëtare e NATO-s dhe një vend të fuqishëm, na japin energji të reja për punën që kemi përpara”, është shprehur Haradinaj.

Subscribe në YouTube: GAZETA INFOKUSI