Haradinaj në 23-vjetorin e AAK-së: Në shërbejmë me besim, kur besojmë nuk kalkulojmë
![](https://gazetainfokus.com/wp-content/uploads/2023/05/343340296_6138026282939882_4139892920802048200_n-852x460.jpg)
Autori: Gazeta inFokus
20:21 | 02 May 2023
Aleanca për Ardhmërinë e Kosovës (AAK) sot ka festuar 23 vjetorin e saj të themelimit, duke mbledhur strukturat dhe aktivistët e saj si dhe personalitete nga jeta publike.
Kreu i AAK-së Ramush Haradinaj, në fjalën e tij, tha se ashtu si kohërat e vështira lindën njerëz të zotë e patriotë edhe në paqe lindën njerëz të mirë e profesionistë të shquar e këto dy kohëra bashkë e lindën Aleancën për Ardhmërinë e Kosovës.
“Të nderuar miq, jeta në robëri lindi lëvizjet patriotike. Patriotë të shquar u vranë, u burgosën, u torturuan, e disa prej tyre asnjëherë nuk u kthyen në shtëpi. Nderojmë Adem Demaçin, Ukshin Hotin dhe gjithë të tjerët.
Robëria lindi lëvizjen paqësore. Nderojmë presidentin historik Dr. Ibrahim Rugova dhe të gjithë pjesëmarrësit e lëvizjes paqësore.
Robëria e egër e sjelli luftën dhe lindi Ushtrinë Çlirimtare të Kosovës. Lufta për liri e Ushtrisë Çlirimtare të Kosovës sjelli lirinë por edhe i dha përjetësinë shumë të dashurve tanë. Nderojmë Adem Jasharin, familjen Jashari, gjithë të rënët për liri, martirët tonë, duam të dimë për fatin e të pagjeturve, duam drejtësi për viktimat e dhunës seksuale, duam drejtësi për të gjitha viktimat e luftës, nderojmë kategoritë e lirisë.
Lëvizjet patriotike, lëvizja paqësore, lufta e Ushtrisë Çlirimtare të Kosovës lindi aleancën më të çmuar për shqiptarët, aleancën me Amerikën dhe Naton. I jemi mirënjohës për jetë Amerikës dhe Natos. Me të drejtë sot themi se Amerika është ylli ynë polar.
Ashtu si kohërat e vështira lindën njerëz të zotë e patriotë edhe në paqe lindën njerëz të mirë e profesionistë të shquar e këto dy kohëra bashkë e lindën Aleancën për Ardhmërinë e Kosovës. Na lindën ne”, tregoi Haradinaj.
Tutje kreu i AAK-së tregoi se për çka shquhet partia e tij.
“Për çka shquhemi ne? Shquhemi për shërbimin tonë ndaj atdheut, ne shërbejmë me besim e kur besojmë nuk kalkulojmë. Ashtu si nuk kalkuluam në përpjekjet për liri, për shtet, për pavarësi, për demokraci, asnjëherë s’do të kalkulojmë për shërbimin ndaj atdheut. Me të drejtë sot besojmë në Kosovën e zhvilluar ekonomikisht, me mundësi për jetë të mirë këtu në Kosovë për të gjithë, veçanërisht për të rinjtë dhe s’do të kalkulojmë. Besojmë në Kosovën në harmoni me të gjitha komunitetet që jetojnë në Kosovë dhe s’do të kalkulojmë. Besojmë në fqinjësinë e mirë me popujt fqinj dhe do të ruajmë fqinjësinë e mirë. Besojmë në njohjen me Serbinë dhe marrëveshjen për njohje. Do ta ndihmojmë Kosovën që të jetoj në paqe në vete, në paqe me fqinjët dhe që ti bashkohet familjes Euroatlantike. Ne besojmë në Nato, sepse Aleanca me Naton lindi në kohërat më të vështira për ne dhe do të punojmë pa kalkulime, që Kosova ti bashkohet NAto-s”,
“Të dashur qytetarë të Kosovës. Si në kohërat të luftës ashtu edhe të paqes janë edhe njerëzit e tjerë që stagnojnë procese apo mbjellin huti. Për këtë arsye është kaq me rëndësi që ne që besojmë të jemi bashkë, të jemi shumicë, të fortë dhe t’i prijmë Kosovës që asnjë proces mos të ndalet dhe që asnjëherë mos të frikësohemi. Ne jemi të guximshëm se besojmë, dhe ne kur besojmë shërbejmë pa kalkulime. Kosova na thërret sot ti bashkohemi Aleancës që ti shërbejmë me besim dhe pa kalkulime. Aleancë me fat 23 vjetorin! Ju faleminderit”, përfundoi Haradinaj fjaimin e tij duke uruar për themelimin e 23 vjetorit të Aleancës.
![](https://gazetainfokus.com/wp-content/uploads/2024/01/albulena1.jpg)
Të tjera
-
Dy qytetarë sulmohen nga qentë endacakë në oborrin e QKUK-së në Prishtinë
Dy persona janë sulmuar nga qentë endacakë në Qendrën Klinike Universitare të...
-
Ulja e dënimit për Salih Mustafën, avokati thotë se ka bazë që të zvogëlohet edhe më tutje
Avokati Xhevdet Smakiqi ka folur në lidhje me vendimin për uljen e dënimit të...
-
“E kam lut me u ndal”, pronari i hotelit ku kishte ndodhur vrạsja në Dragodan rrëfen për ngjarjen
Dëshmitari Vegim Imeri, pronar i hotelit ku kishte ndodhur vrasja në 2023-ën ...
-
Daut Haradinaj: AAK-ja bën gabim nëse bën koalicion me Vetëvendosjen
Zyrtari i Aleancës për Ardhmërinë e Kosovës (AAK), Daut Haradinaj, ka shprehu...
-
Ndërron jetë kirurgu Dalip Limani, ShSKUK del me një njoftim
Shërbimi Spitalor dhe Klinik Universitar i Kosovës, ka njoftuar se ka vdekur ...
-
Tahiri: Tash kur dështoi ta hap Urën, Kurti po thotë se “po presim KFOR-in dhe shtetet e QUINT-it”
Ish-kryenegociatorja e Kosovës për bisedimet me Serbinë, Edita Tahiri, ka rea...
-
Ky është “sheiku” arab që po raportohet se u arrestua në Prishtinë
Njësiti Fast Kosova i Policisë së Kosovës, sot pas një pune intensive në terr...
-
Detaje nga vrạsja e dyfishtë në Fier, viktimat xhaxha dhe nip mes vete
Një konflikt mes djalit të autorit, Altin Kukës dhe dhe dy viktimave, që mëso...
-
“Policia ishte korrekte, nuk pati dhunë” – Politikani serb që u arrestua sot në veri flet pas lirimit
Nënkryetari i partisë së serbëve të Kosovës, “Demokracia Serbe”, Ivan Orllovi...
-
“Osmani e mori vesh përmes shokëve të burrit”- Syla pretendon se do të ketë arrestime brenda Qeverisë Kurti, thotë se kjo është arsyeja pse u distancua presidentja
Analisti Valon Syla deklaroi se javët në vijim do të ketë arrestime brenda Qe...
-
12 vjet nga përfundimi i mbikqyrjes së pavarësisë, Kurti falënderon aleatët
Kryeministri Albin Kurti ka thënë se është mirënjohës për mbështetjen e aleat...
-
Ilir Mirena: Vjosa po kërkon armiq që ta vazhdoj karrierën, Albinit më nuk i duhet
Gazetari Ilir Mirena, ka thënë se presidentja e Kosovës Vjosa Osmani, ka nevo...