Lajme

Haradinaj: Me Ligjin e veçantë për bujqësi, Rahoveci zonë strategjike

Autori: Gazeta inFokus 19:15 | 06 February 2025

Kandidati i AAK-së për kryeministër, Ramush Haradinaj ka vizituar sot qytetin e Rahovecit. Ai nga Rahoveci ka premtuar se me ligjin e veçantë për bujqësi, Rahoveci do të jetë zonë strategjike.

‘’Me Ligjin e veçantë për bujqësi, Rahoveci zonë strategjike – Kosova Fituese 137.Bashkë me qytetarët e Rahovecit vendosëm për zhvillimin e hovshëm të vendit.Zgjerimi i rrugës Rahovec-Malishevë, ndërtimi i impiantit të ujërave të zeza dhe rregullimi i shtratit të Drinit të Bardhë janë disa nga projektet që do nisin në fillim të mandatit. Me Ligjin e veçantë për bujqësi, Rahoveci shndërrohet në zonë strategjike’’, ka thënë Haradianaj

Më tutje ai ka thënë se zgjerimi i sistemit të ujitjes nga Liqeni i Dukagjinit do të japë energji të re prodhimit vendor.

-Advertisement-

‘’Plotësim-ndryshimi i Ligjit për Komasacion dhe ndërtimi i Liqenit Akumulues në Zhdrellë do të revolucionarizojnë bujqësinë.Zgjerimi i sistemit të ujitjes nga Liqeni i Dukagjinit do t’i japë energji të re prodhimit vendor.Kemi planifikuar trefishimin e subvencioneve për bujqësi.Grante pa kthim për bizneset e reja të të rinjve’’, ka thënë Haradinaj.

Më tutje kreu i AAK-së është shprehur se pagat mesatare do e kalojnë shumën prej 1000 euro e pensionet do të jenë 500 euro, përfshirë këtu edhe pensionet e Veteranëve.

Subscribe në YouTube: GAZETA INFOKUSI