Lajme

Haradinaj mbledh strukturat e partisë dhe partnerët e koalicionit: Motivi i bashkimit tonë është dashuria për vendin

Autori: Gazeta inFokus 21:58 | 04 April 2024

Kryetari i Aleancës për Ardhmërinë e Kosovës (AAK), Ramush Haradinaj, ka thënë se koalicioni parazgjedhor i drejtuar nga ai, ka përmbajtje dhe i përbër me njerëz që e duan Kosovën dhe që e orientojnë në kursin e duhur euroatlantik.

Kështu ka thënë Haradinaj në iftarin e shtruar sonte me struktura të AAK nga të gjitha nivelet e organizimit.

“Sonte sofrën e iftarit e patëm në Prishtinë, me kolegë të strukturave të kryeqytetit, asambleistë dhe drejtorë komunal si dhe partnerët nga NISMA, Klubi Konservator dhe Forumi Intelektual E-30.  Bashkimi ynë ka përmbajtje, me njerëz që e duan Kosovën dhe dijnë ta orientojnë në kursin e duhur euroatlantik”, ka thënë Haradinaj.

Haradinaj ka shtuar se me partnerët i bashkon dashuria për vendin.

-Advertisement-

“Vlerat e përbashkëta dhe dashuria për vendin na kanë bashkuar për të ndërtuar alternativen tonë më të mirë politike për qytetarët e vendit tonë”, është shprehur Haradinaj.

Subscribe në YouTube: GAZETA INFOKUSI
Etiketa:
Comodita në Gjermani shpalos koleksionin e produkteve të reja në panairin Heimtextil në Frankfurt

Të tjera