Lajme

Haradinaj: Kurti dhe VV refuzuan gazin amerikan – me Martinin dhe të tjerë favorizuan kompanitë e Stanishiqit dhe Rankoviqit

Autori: Gazeta inFokus 10:48 | 28 April 2022

Kryetari i Aleancës për Ardhmërinë e Kosovë, Ramush Haradinaj, ka thënë se skandali i Martin Berishajt, tregon se Vetëvendosje ka favorizuar kompanitë e energjisë të të lidhura me Stanishiqin dhe Rankoviqin.

“Sot kur flasim për një emër Martin Berishaj, nuk po flasim vec për atë emër por e kemi hallin te forca politike që udhëheq Kosovën, e cila ka qenë kundër investimeve në energji tash e 20 vjet. VV e ka pasë të qartë prej filleve të veta se është kundër investimeve në energji. Këta, VV, ishin kundër edhe gazsjellësit nga Shkupi në Prishtinë, i investumë prej pareve të presidentit të Amerikës. I vetmi udhëheqës shtetëror në kontinentin tonë, që ka refuzu gazin amerikan”, tha Haradinaj.

Ai po ashtu ka thënë se të gjitha këto fakte  që i ka cekur tregojnë se Vetëvendosje ka qenë konsistente në një politikë që është kundër investimeve, kundër energjisë amerikane.

-Advertisement-

“Të gjitha këto fakte që i ceka shpejt pa iu marrë tepër kohë, tregojnë se VV ka qenë konsistente në një politikë që është kundër investimeve, kundër energjisë amerikane, kundër investimeve në burime. Pyetja shtrohet: kah i kanë marrë këta njerëz informatat apo këshillat? Kush ka ndiku në trunin e këtyre njerëzve? Që janë shumë të menqëm, nga i ka ardhë ndikimi? Përgjigjen e kemi marrë tani, në transkasionet e një mendimtari të Vetëvendosjes, që ka ndikim në vendimet e këtyre. Me siguri nuk është i vetmi dhe nuk e ka bërë vetëm për vete transaksionin. Bëhet fjalë për një mendësi e cila në vazhdimësi e ka paralajmëru Kosovën se njerëz të Kosovës pushtetarë të Kosovës mbrojnë interesa të të tjerëva. Po del pra që VV mbron interesa të kompanisë të njerëzve të Stanishiqit dhe Rankoviqit. Ata që në VV duan ta thonë të kundërtën, është mirë me dalë me iu tregu njerëzve”, ka thënë tutje Haradinaj./Gazeta Infokus/

Subscribe në YouTube: GAZETA INFOKUSI
Shkolla Finlandeze lanson programin IMPACT: Tani edhe në gjuhën shqipe, me çmim të përballueshëm

Të tjera