Lajme

Haradinaj kundërshton fuqishëm idenë për shkëmbim territoresh

Autori: Gazeta inFokus 23:04 | 28 November 2018

Kryeministri i vendit, Ramush Haradinaj, përmes një editoriali të botuar në gazetën e madhe amerikane, Washington Post, ka kundërshtuar idenë e shkëmbimit të territoreve.

“Shumica dërrmuese e ekspertëve ndërkombëtarë e kundërshtojnë këtë ide. Gjithashtu është refuzuar me forcë nga populli i Kosovës – me 77 për qind votuan kundër saj në një sondazh të fundit. Si kryeministër i vendit, kurrë nuk do ta mbështesja një tregti të tillë”, ka thënë Haradinaj.

Haradinaj ka folur po ashtu për sovranitetin e Kosovës, stabilitetin e rajonit, fushatën e egër të Serbisë në vazhdimësi kundër Kosovës e shumë çështje të tjera të rëndësishme.

-Advertisement-

“Presidenti serb Aleksandar Vuçiç, mbështetur nga Rusia, na ka bërë një ofertë të turpshme: Serbia do ta njohë Kosovën nëse ia japim atë pjesë të territorit tonë. Serbia dëshiron të krijojë një shtet etnikisht “të pastër”, duke hequr njerëzit nga shtetësia e tyre dhe duke i dëbuar nga shtëpitë e tyre”, thotë Haradinaj, telegrafi.

Më tej Haradinaj ka folur edhe për taksën 100% ndaj produkteve serbe.

“Për një kohë të gjatë, Serbia ka abuzuar me tregun e Kosovës dhe ka shkelur kushtet e Marrëveshjes së Tregtisë së Lirë të Evropës Qendrore (CEFTA). Këto masa do të mbeten në vend derisa Serbia të ndalë përpjekjet e saj për të minuar sovranitetin tonë dhe fillon të nderojë angazhimet e saj”, ka theksuar Haradinaj.