Lajme

Haradinaj kujton Rugovën: I jemi mirënjohës për kontributin historik për liri dhe pavarësi

Autori: Gazeta inFokus 14:02 | 21 January 2024

Kryetari i Aleancës për Ardhmërinë e Kosovës, Ramush Hardinaj ka kujtuar dhe nderuar ish-presidentin, Ibrahim Rugovën, në 18-vjetorin e vdekjes së tij.

Përmes një postimi në Facebook, Haradinaj tha se të gjithë janë mirënjohës për kontributin historik të ish-presidentit Rugova, për lirinë dhe pavarësinë e Kosovës.

“I jemi gjithmonë mirënjohës për kontributin për lirinë dhe pavarësinë e Kosovës”.

-Advertisement-

Haradinaj tha se Rugova me drejtësinë dhe vendosmërinë e tij, ndërtoi një lidhje të ngushtë me Perëndimin, veçmas duke shfaqur kujdesin në forcimin e miqësisë së përjetshme me Shtetet e Bashkuara të Amerikës.

“Presidenti Ibrahim Rugova, me drejtësinë dhe vendosmërinë e tij, ndërtoi një lidhje të ngushtë me Perëndimin, veçmas duke shfaqur kujdesin në forcimin e miqësisë së përjetshme me ShBA. Sot, në 18-vjetorin e ndarjes nga jeta e kujtojmë dhe nderojmë angazhimin e tij në shërbim të çështjes kombëtare në rrethana shumë të rënda për shqiptarët e për Kosovën”, ka shkruar Haradinaj në llogarinë e tij në Facebook.

Subscribe në YouTube: GAZETA INFOKUSI