Lajme

Haradinaj kopjon Hashim Thaçin me kombajnë

Autori: Gazeta inFokus 16:18 | 12 July 2019

Sikur që vepronte dikur Presidenti Hashim Thaçi, të premten kryeministri Ramush Haradinaj i hypi kombajnës.
Në fillim të fushatës së korrjeve-shirjeve, liderët e vendit e kanë zakon që të hipin vetë në kombajnë, për t’i uruar mbjelljet. Një praktikë të tillë e ndoqi edhe shefi i ekzekutivit, Ramush Haradinaj.

I pari i Qeverisë pasi ia dha një rënd tokës bujqësore me kombajnë tha se gjendet aty për të uruar të gjithë fermerët për fillimin e sezonit të korrje shirjeve.
Por ndryshe nga viteve të kaluara kur fushata e korrje shirjeve fillonte në Ferizaj ose Lipjan, kryeministri Ramush Haradinaj ka vendosur që atë këtë vit ta nisë në Kamenicë, komunë që udhëhiqet nga Qendron Kastrati i PSD-së.

Haradinaj ishte në fshatin Zajqec të kësaj komune, shkruan Gazeta inFokus.
“Arsyeja pse jemi këtu është që të dërgojmë porosi, se jemi të vetëdijshëm që prodhimi është ai që do ta mbajë popullsinë në vend”, ka thënë Haradinaj.

-Advertisement-

Mirëpo, përveç fushatës së korrje shirjeve, kryeministri vizitoi edhe disa fermerë të kësaj ane.
Ngjashëm vepronte edhe Presidenti i tanishëm Hashim Thaçi sa ishte kryeministër. Cdo sezonë të korrje shirjeve bashkë me kabinetin e tij simbolikisht niste vetë korrjen e grurit me kombajnë dhe vizitonte fermerët./Gazeta inFokus/

Subscribe në YouTube: GAZETA INFOKUSI

Të tjera

Fokusi

lajme